باب: محرم کا نکاح حرام ہے اور پیغام دینا مکروہ۔, حدیث نمبر:3447, صحيح مسلم,

پروفیسر محمد یحییٰ سلطان محمود
مولانا عبد العزیز علوی

ایوب نے نافع سے روایت کی، کہا: مجھے نبیہ بن وہب نے حدیث بیان کی، کہا: مجھے عمر بن عبیداللہ بن معمر نے بھیجا۔ وہ شیبہ (بن جبیر) بن عثمان کی بیٹی کے لیے اپنے بیٹے کے نکاح کا پیغام بھیج رہے تھے تو مجھے انہوں نے ابان بن عثمان کی طرف بھیجا اور وہ امیر حج تھے، انہوں نے کہا: کیا میں اسے (عمر کو) ایک بدو (جیسا کام کرتے) نہیں دیکھ رہا؟ جو شخص حالت احرام میں ہو وہ نہ نکاح کرتا ہے نہ (کسی کا) نکاح کراتا ہے۔ ہمیں حضرت عثمان رضی اللہ عنہ نے اس بات کی خبر رسول اللہ صلی اللہ علیہ وسلم سے دی تھی

نبیہ بن وھب بیان کرتے ہیں، مجھے عمر بن عبیداللہ بن معمر نے بھیجا، وہ شیبۃ بن عثمان کی بیٹی اپنے بیٹے کے لیے لینا چاہتے تھے، تو مجھے ابان بن عثمان کی طرف بھیجا، وہ موسم حج کے امیر تھے، تو انہوں نے جواب دیا، میرے خیال میں وہ (عمر) بدوی ہے، ”مُحرِِم نہ اپنی شادی کر سکتا ہے، اور نہ ہی دوسرا اس کی شادی کر سکتا ہے،“ یہ بات مجھے حضرت عثمان رضی اللہ تعالیٰ عنہ نے، رسول اللہ صلی اللہ علیہ وسلم سے نقل کی تھی۔

● صحيح مسلم 3446	لا ينكح المحرم ولا ينكح ولا يخطب
● صحيح مسلم 3450	لا ينكح المحرم
● صحيح مسلم 3449	المحرم لا ينكح ولا يخطب
● صحيح مسلم 3448	لا ينكح المحرم ولا ينكح ولا يخطب
● صحيح مسلم 3447	المحرم لا ينكح ولا ينكح
● سنن أبي داود 1841	لا ينكح المحرم ولا ينكح
● سنن ابن ماجه 1966	المحرم لا ينكح ولا ينكح ولا يخطب
● سنن النسائى الصغرى 2845	لا ينكح المحرم ولا يخطب ولا ينكح
● سنن النسائى الصغرى 2846	ينكح المحرم أو ينكح أو يخطب
● سنن النسائى الصغرى 2847	لا ينكح المحرم ولا يخطب
● سنن النسائى الصغرى 3277	لا ينكح المحرم ولا ينكح ولا يخطب
● سنن النسائى الصغرى 3278	لا ينكح المحرم ولا ينكح ولا يخطب
● بلوغ المرام 598	‏‏‏‏لا ينكح المحرم ولا ينكح ولا يخطب
● مسندالحميدي 33	المحرم لا ينكح ولا يخطب