|
 |
الحمدللہ ! احادیث کتب الستہ آف لائن ایپ ریلیز کر دی گئی ہے۔
سنن دارمي
من النذور و الايمان
نذر اور قسم کے مسائل
1. باب الْوَفَاءِ بِالنَّذْرِ:
1. نذر پوری کرنے کا بیان
| حدیث نمبر: 2369 |
سیدنا ابن عباس رضی اللہ عنہما سے روایت ہے کہ ایک عورت نے نذر مانی کہ وہ حج کرے گی لیکن اس کا انتقال ہو گیا، تو ان کا بھائی رسول اللہ صلی اللہ علیہ وسلم کے پاس آیا اور اس بارے میں دریافت کیا، رسول اللہ صلی اللہ علیہ وسلم نے فرمایا: ”اگر ان پر کوئی قرض ہوتا تو کیا تم اسے ادا کرتے؟“ انہوں نے عرض کیا: ہاں ضرور ادا کرتا، فرمایا: ”اس نذر کو پورا کرو، یہ نذر وفا کی زیادہ مستحق ہے۔“ [سنن دارمي/من النذور و الايمان/حدیث: 2369]
تخریج الحدیث: تحقيق الحديث: حسين سليم أسد الداراني: «إسناده صحيح والحديث متفق عليه، [مكتبه الشامله نمبر: 2377] »
اس روایت کی سند صحیح اور حدیث متفق علیہ ہے۔ دیکھئے: [بخاري 6699] ، [مسلم 1655]
اس روایت کی سند صحیح اور حدیث متفق علیہ ہے۔ دیکھئے: [بخاري 6699] ، [مسلم 1655]
| حدیث نمبر: 2370 |
سیدنا عمر بن الخطاب رضی اللہ عنہ نے کہا: میں نے رسول اللہ صلی اللہ علیہ وسلم سے عرض کیا کہ میں نے ایامِ جاہلیت میں ایک نذر مانی تھی پھر اسلام لے آیا؟ رسول الله صلی اللہ علیہ وسلم نے فرمایا: ”پھر اپنی نذر کو پورا کرو۔“ [سنن دارمي/من النذور و الايمان/حدیث: 2370]
تخریج الحدیث: تحقيق الحديث: حسين سليم أسد الداراني: «إسناده صحيح والحديث متفق عليه، [مكتبه الشامله نمبر: 2378] »
یہ حدیث صحیح اور متفق علیہ ہے۔ دیکھئے: [بخاري 6697] ، [مسلم 1656] ، [أبوداؤد 3325] ، [ترمذي 1539] ، [نسائي 3829] ، [ابن ماجه 1772، 2129]
یہ حدیث صحیح اور متفق علیہ ہے۔ دیکھئے: [بخاري 6697] ، [مسلم 1656] ، [أبوداؤد 3325] ، [ترمذي 1539] ، [نسائي 3829] ، [ابن ماجه 1772، 2129]
2. باب في كَفَّارَةِ النَّذْرِ:
2. نذر کے کفارے کا بیان
| حدیث نمبر: 2371 |
سیدنا عقبہ بن عامر جہنی رضی اللہ عنہ نے کہا: ان کی بہن نے نذر مانی کہ وہ حج کے لئے پیدل اور ننگے سر جائے گی، میں نے اس کا تذکرہ نبی کریم صلی اللہ علیہ وسلم سے کیا تو آپ صلی اللہ علیہ وسلم نے فرمایا: ”اپنی بہن سے کہو سر ڈھانپ لے اور سوار ہو جائے اور تین دن کے روزے رکھے۔“ (یعنی نذر پوری نہ کرنے کا کفارہ دے)۔ [سنن دارمي/من النذور و الايمان/حدیث: 2371]
تخریج الحدیث: تحقيق الحديث: حسين سليم أسد الداراني: «إسناده ضعيف لضعف عبيد الله بن زحر وأبو سعيد الرعيني هو: جعثل بن هاعان. والحديث متفق عليه، [مكتبه الشامله نمبر: 2379] »
اس روایت کی سند ضعیف ہے، لیکن حدیث صحیح ہے۔ دیکھئے: [بخاري 1866] ، [مسلم 1644] ، [أبوداؤد 3299] ، [ترمذي 1544] ، [نسائي 3823] ، [ابن ماجه 2134] ، [أبويعلی 1753]
اس روایت کی سند ضعیف ہے، لیکن حدیث صحیح ہے۔ دیکھئے: [بخاري 1866] ، [مسلم 1644] ، [أبوداؤد 3299] ، [ترمذي 1544] ، [نسائي 3823] ، [ابن ماجه 2134] ، [أبويعلی 1753]
| حدیث نمبر: 2372 |
سیدنا ابن عباس رضی اللہ عنہما سے مروی ہے کہ سیدنا عقبہ رضی اللہ عنہ کی بہن نے نذر مانی کہ بیت اللہ شریف پیدل چل کر جائے گی، رسول اللہ صلی اللہ علیہ وسلم نے فرمایا: ”بیشک اللہ تعالیٰ غنی ہے تمہاری بہن کی نذر سے، اس کو چاہیے کہ سوار ہو جائے اور کفارے میں ایک ہدی ذبح کرے۔“ [سنن دارمي/من النذور و الايمان/حدیث: 2372]
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 2380] »
اس حدیث کی سند صحیح ہے۔ دیکھئے: [أبوداؤد 3295] ، [أحمد 239/1] ، [طبراني 308/11، 11828] ، [ابن الجارود 936]
اس حدیث کی سند صحیح ہے۔ دیکھئے: [أبوداؤد 3295] ، [أحمد 239/1] ، [طبراني 308/11، 11828] ، [ابن الجارود 936]
| حدیث نمبر: 2373 |
سیدنا ابوہریرہ رضی اللہ عنہ سے مروی ہے کہ رسول الله صلی اللہ علیہ وسلم نے ایک بوڑھے صحابی کو اپنے دو بیٹوں کے درمیان پیدل چلتا پایا تو پوچھا کہ ”ان بزرگ کو کیا ہوا؟“ (جوتمہارا سہارا لے کر چلتے ہیں) اس کے بیٹوں نے جواب دیا کہ یا رسول اللہ صلی اللہ علیہ وسلم ! انہوں نے (حج کے لئے) پیدل جانے کی نذر مانی ہے، آپ صلی اللہ علیہ وسلم نے فرمایا: ”اے بزرگ! سوار ہوجاؤ کیونکہ اللہ تعالیٰ غنی ہے تم سے اور تمہاری نذر سے۔“ (یعنی اللہ تعالیٰ کو اس کی حاجت نہیں۔ بخاری شریف میں ہے: ”الله تعالیٰ اس سے بے پرواہ (غنی) ہے کہ یہ شخص اپنی جان کو عذاب میں ڈالے۔“) [سنن دارمي/من النذور و الايمان/حدیث: 2373]
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 2381] »
اس روایت کی سند صحیح ہے۔ دیکھئے: [بخاري 6701] ، [مسلم 1643] ، [أبوداؤد 3301] ، [ابن ماجه 2135] ، [أبويعلی 6354]
اس روایت کی سند صحیح ہے۔ دیکھئے: [بخاري 6701] ، [مسلم 1643] ، [أبوداؤد 3301] ، [ابن ماجه 2135] ، [أبويعلی 6354]
3. باب لاَ نَذْرَ في مَعْصِيَةِ اللَّهِ:
3. اللہ کی معصیت میں کوئی نذر (صحیح) نہیں
| حدیث نمبر: 2374 |
سیدنا عمران بن حصین رضی اللہ عنہ نے کہا: رسول الله صلی اللہ علیہ وسلم نے فرمایا: ”گناه و معصیت کی نذر کو پورا نہ کرنا چاہیے اور نہ اس نذر کو پورا کرے جس کا ابنِ آدم کو اختیار (یعنی قدرت) نہیں ہوتا ہے۔“ [سنن دارمي/من النذور و الايمان/حدیث: 2374]
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 2382] »
اس حدیث کی سند صحیح ہے۔ دیکھئے: [مسلم 1641] ، [أبوداؤد 3316] ، [نسائي 3860] ، [ابن ماجه 2124] ، [ابن حبان 4391] ، [الحميدي 851]
اس حدیث کی سند صحیح ہے۔ دیکھئے: [مسلم 1641] ، [أبوداؤد 3316] ، [نسائي 3860] ، [ابن ماجه 2124] ، [ابن حبان 4391] ، [الحميدي 851]
| حدیث نمبر: 2375 |
سیدہ عائشہ رضی اللہ عنہا نے کہا: رسول الله صلی اللہ علیہ وسلم نے فرمایا: ”جس نے اللہ کی اطاعت کی نذر مانی ہو اسے چاہیے کہ الله کی اطاعت کرے اور جس نے گناہ کرنے کی نذر مانی ہو پس وہ گناہ کا کام نہ کرے۔“ [سنن دارمي/من النذور و الايمان/حدیث: 2375]
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 2383] »
اس حدیث کی سند صحیح ہے۔ دیکھئے: [بخاري 6700] ، [أبوداؤد 3289] ، [ترمذي 1526] ، [نسائي 3816] ، [ابن ماجه 2126] ، [أبويعلی 4863] ، [ابن حبان 4387]
اس حدیث کی سند صحیح ہے۔ دیکھئے: [بخاري 6700] ، [أبوداؤد 3289] ، [ترمذي 1526] ، [نسائي 3816] ، [ابن ماجه 2126] ، [أبويعلی 4863] ، [ابن حبان 4387]
4. باب مَنْ نَذَرَ أَنْ يُصَلِّيَ في بَيْتِ الْمَقْدِسِ أَيُجْزِئُهُ أَنْ يُصَلِّيَ بِمَكَّةَ:
4. جو شخص بیت المقدس میں نماز کی نذر مانے کیا بیت اللہ میں اس کا نماز پڑھنا کافی ہو گا؟
| حدیث نمبر: 2376 |
سیدنا جابر بن عبداللہ رضی اللہ عنہ سے مروی ہے کہ ایک شخص نے عرض کیا: یا رسول اللہ! میں نے نذر مانی تھی کہ اگر الله تعالیٰ آپ کو مکہ کی فتح نصیب کرے تو میں بیت المقدس میں جا کر نماز پڑھوں گا۔ آپ صلی اللہ علیہ وسلم نے فرمایا: ”یہیں (کعبہ میں) نماز پڑھ لو۔“ اس نے تین بار اپنے سوال کو دہرایا، پھر رسول اللہ صلی اللہ علیہ وسلم نے فرمایا: ”اب تمہاری مرضی ہے“ (یعنی تم کو اختیار ہے کہ بیت المقدس جا کر وہاں نماز پڑھو اور اپنی نذر کو پورا کرو)۔ [سنن دارمي/من النذور و الايمان/حدیث: 2376]
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 2384] »
اس حدیث کی سند صحیح ہے۔ دیکھئے: [أبوداؤد 3305] ، [أبويعلی 2116] ، [ابن الجارود 945] ، [الحاكم 304/4] ، [البيهقي فى المعرفة 19707]
اس حدیث کی سند صحیح ہے۔ دیکھئے: [أبوداؤد 3305] ، [أبويعلی 2116] ، [ابن الجارود 945] ، [الحاكم 304/4] ، [البيهقي فى المعرفة 19707]
5. باب النَّهْيِ عَنِ النَّذْرِ:
5. نذر کی ممانعت کا بیان
| حدیث نمبر: 2377 |
سیدنا ابن عمر رضی اللہ عنہما نے کہا: رسول اللہ صلی اللہ علیہ وسلم نے فرمایا: ”نذر کسی چیز کو لوٹا نہیں سکتی ہے، بس اس کے ذریعہ بخیل و کنجوس سے پیسہ نکل آتا ہے۔“ [سنن دارمي/من النذور و الايمان/حدیث: 2377]
تخریج الحدیث: تحقيق الحديث: حسين سليم أسد الداراني: «إسناده صحيح والحديث متفق عليه، [مكتبه الشامله نمبر: 2385] »
اس روایت کی سند صحیح اور حدیث متفق علیہ ہے۔ دیکھئے: [بخاري 6608] ، [مسلم 1639] ، [أبوداؤد 3287] ، [نسائي 2810] ، [ابن ماجه 2122] ، [أبويعلی 237/11] ، [ابن حبان 4375]
اس روایت کی سند صحیح اور حدیث متفق علیہ ہے۔ دیکھئے: [بخاري 6608] ، [مسلم 1639] ، [أبوداؤد 3287] ، [نسائي 2810] ، [ابن ماجه 2122] ، [أبويعلی 237/11] ، [ابن حبان 4375]
6. باب النَّهْيِ أَنْ يُحْلَفَ بِغَيْرِ اللَّهِ:
6. اللہ تعالیٰ کے علاوہ کسی غیر کی قسم کھانے کی ممانعت کا بیان
| حدیث نمبر: 2378 |
سیدنا ابن عمر رضی اللہ عنہما سے مروی ہے کہ رسول اللہ صلی اللہ علیہ وسلم نے سیدنا عمر بن الخطاب رضی اللہ عنہ کو ایک کارواں میں اپنے باپ کی قسم اٹھاتے سنا تو فرمایا: ”بیشک اللہ تعالیٰ تمہیں اپنے آباء و اجداد کی قسم کھانے سے منع فرماتا ہے، پس اب جو کوئی قسم کھانا چاہے تو وہ اللہ کی قسم کھائے ورنہ خاموش رہے۔“ [سنن دارمي/من النذور و الايمان/حدیث: 2378]
تخریج الحدیث: تحقيق الحديث: حسين سليم أسد الداراني: «إسناده صحيح والحديث متفق عليه، [مكتبه الشامله نمبر: 2386] »
اس حدیث کی سند صحیح متفق علیہ ہے۔ دیکھئے: [بخاري 2679] ، [مسلم 1646] ، [أبوداؤد 3249] ، [ترمذي 1534] ، [نسائي 3776] ، [ابن ماجه 2094] ، [أبويعلی 5430] ، [ابن حبان 4359] ، [الحميدي 703]
اس حدیث کی سند صحیح متفق علیہ ہے۔ دیکھئے: [بخاري 2679] ، [مسلم 1646] ، [أبوداؤد 3249] ، [ترمذي 1534] ، [نسائي 3776] ، [ابن ماجه 2094] ، [أبويعلی 5430] ، [ابن حبان 4359] ، [الحميدي 703]