یہ حدیث ایک دوسری سند کے ساتھ بھی سیدنا ابوہریرہ رضی اللہ عنہ سے اسی طرح مروی ہے۔ [مسند الشهاب/حدیث: 1211]

سیدنا ابوہریرہ رضی اللہ عنہ سے مروی ہے کہ بے شک رسول اللہ صلی اللہ علیہ وسلم نے فرمایا: کشتی میں پچھاڑنے والا طاقتور اور بہادر نہیں، طاقتور اور بہادر تو وہ ہے جو غصہ کی حالت میں اپنے نفس پر قابورکھے۔“
(امام) مالک سے اس حدیث کو پانچ راویوں نے یوں روایت کیا ہے) قعنبی نے «عن مالك» (مالک سے) کہا:، ابن یوسف نے «انبانا مالك» (ہمیں مالک نے خبر دی) کہا:۔ ابن صفیر نے «حدثني مالك» (مجھے مالک نے حدیث بیان کی) کہا:۔ ابن بکیر نے «ثنا مالك» (ہمیں مالک نے بیان کیا) کہا۔ اور ابن وہب نے «اخبرني مالك» (مجھے مالک نے خبر دی) کہا۔
اے مسلم بن حجاج نے بھی یحییٰ بن سعید اور عبدالا علیٰ بن حماد سے اپنی سند کے ساتھ اسی طرح روایت کیا ہے، ان دونوں نے یوں کہا: «قرأت على مالك» (میں نے مالک پر قرأت کی)۔ [مسند الشهاب/حدیث: 1212]

سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”اللہ کے نزدیک دعا سے بڑھ کر کوئی چیز مکرم نہیں۔“ [مسند الشهاب/حدیث: 1213]

سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”الله کے نزدیک دعا سے بڑھ کر کوئی چیز مکرم نہیں۔“ [مسند الشهاب/حدیث: 1214]

سیدنا علی رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”بغاوت و سرکشی کی سزا سے بڑھ کر کوئی چیز تیز نہیں۔“ [مسند الشهاب/حدیث: 1215]

سیدنا عبد اللہ بن عمر رضی اللہ عنہ سے مروی ہے کہ بے شک نبی صلی اللہ علیہ وسلم نے فرمایا: ”مومن کے سوا کوئی چیز اپنے جیسی ہزار چیزوں سے بہتر نہیں۔“ [مسند الشهاب/حدیث: 1216]

مطرف بن عبد اللہ اپنے والد سے روایت کرتے ہیں انہوں نے کہا: کہ میں رسول اللہ صلی اللہ علیہ وسلم کے پاس آیا تو میں نے آپ کو ﴿أَلْهَاكُمُ التَّكَاثُرُ﴾ (التکاثر: 1) ”تمہیں ایک دوسرے سے زیادہ (مال) حاصل کرنے کی حرص نے غافل کر دیا۔“ کی تلاوت فرماتے سنا۔ (پھر) آپ صلی اللہ علیہ وسلم نے فرمایا: ”ابن آدم کہتا ہے: میرا مال، میرا مال، حالانکہ تیرے مال میں سے تیرا صرف وہی ہے جو تو نے کھا کر فنا کر دیا یا پہن کر بوسیدہ کر دیا یا صدقہ کر کے آگے بھیج دیا۔“ [مسند الشهاب/حدیث: 1217]

سیدنا سعد بن مالک رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”بہترین ذکر ذکر خفی ہے اور بہترین رزق وہ ہے جو کفایت کرے۔“ [مسند الشهاب/حدیث: 1218]

یہ روایت محمد بن عبدالرحمٰن سے ایک اور سند کے ساتھ بھی مروی ہے۔ [مسند الشهاب/حدیث: 1219]

محمد بن عبد الرحمٰن بن لبیبہ کہتے ہیں کہ عمر بن سعد اپنے والدسے کہنے لگے: آپ اہل بدر میں سے ہیں اور ان لوگوں میں سے ہیں جنہیں سیدنا عمر رضی اللہ عنہ نے شوری کے لیے چنا تھا، تب انہوں نے کہا: کہ میں نے رسول اللہ صلی اللہ علیہ وسلم کو یہ فرماتے سنا ہے: ”بہترین رزق وہ ہے جو کفایت کرے اور بہترین ذکر ذکر خفی ہے۔“ [مسند الشهاب/حدیث: 1220]