|
 |
|
1- حدیث نمبر سے حدیث تلاش کیجئے: |
مسند الشهاب
احادیث801 سے 1000
566. لَا تَصْلُحُ الصَّنِيعَةُ إِلَّا عِنْدَ ذِي حَسَبٍ أَوْ دِينٍ
566. بھلائی کرنا کسی خاندانی یا دیندار شخص کے پاس ہی مناسب ہے
| حدیث نمبر: 871 |
سیدہ عائشہ رضی اللہ عنہا کہتی ہیں کہ رسول اللہ صلی اللہ علیہ وسلم نے فرمایا: ”بھلائی کرنا کسی خاندانی یا دیندار شخص کے پاس ہی مناسب ہے جس طرح کہ ریاضت عمدہ خصلت انسان ہی میں ہے۔“ [مسند الشهاب/حدیث: 871]
تخریج الحدیث: «إسناده ضعيف جدا، وأخرجه اصطناع المعروف: 5، باب 3»
عبید بن قاسم متروک ہے۔
عبید بن قاسم متروک ہے۔
| حدیث نمبر: 872 |
سیدہ عائشہ رضی اللہ عنہا کہتی ہیں کہ رسول اللہ صلی اللہ علیہ وسلم نے فرمایا۔ ”بھلائی کرنا کسی خاندانی یا دیندار شخص کے پاس ہی مناسب ہے۔“ [مسند الشهاب/حدیث: 872]
تخریج الحدیث: «إسناده ضعيف جدا، ابن الاعرابي: 315»
یحییٰ بن ہاشم سخت ضعیف ہے۔
یحییٰ بن ہاشم سخت ضعیف ہے۔
567. لَا طَاعَةَ لِمَخْلُوقٍ فِي مَعْصِيَةِ الْخَالِقِ
567. خالق کی نافرمانی میں مخلوق کی اطاعت نہیں
| حدیث نمبر: 873 |
سیدنا عمران بن حصین رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”خالق کی نافرمانی میں مخلوق کی اطاعت نہیں۔“
(اس کی سند) اصل میں حماد عن ابن عون عن محمد بن سیرین بن سيرين ہے جبکہ ”الفوائد“ میں حماد عن ابن سیرین ہے۔ [مسند الشهاب/حدیث: 873]
(اس کی سند) اصل میں حماد عن ابن عون عن محمد بن سیرین بن سيرين ہے جبکہ ”الفوائد“ میں حماد عن ابن سیرین ہے۔ [مسند الشهاب/حدیث: 873]
تخریج الحدیث: «صحيح، وأخرجه الحاكم فى «مستدركه» برقم: 5924، وأحمد فى «مسنده» برقم: 20138، والطيالسي فى «مسنده» برقم: 890، 896، والبزار فى «مسنده» برقم: 3511، والطبراني فى «الكبير» برقم: 3150، 3159»
568. لَا يَدْخُلُ الْجَنَّةَ عَبْدٌ لَا يَأْمَنُ جَارُهُ بَوَائِقَهُ
568. وہ شخص جنت میں داخل نہیں ہو سکتا جس کی ایذا رسانیوں سے اس کا ہمسایہ محفوظ نہ ہو
| حدیث نمبر: 874 |
سیدنا انس بن مالک رضی اللہ عنہ سے مروی ہے کہ بے شک رسول اللہ صلی اللہ علیہ وسلم نے فرمایا: ”اس ذات کی قسم! جس کے ہاتھ میں میری جان ہے، وہ شخص جنت میں داخل نہیں ہو سکتا جس کی ایذا رسانیوں سے اس کا ہمسایہ محفوظ نہ ہو۔“ [مسند الشهاب/حدیث: 874]
تخریج الحدیث: دیکھئے حدیث نمبر 130۔
| حدیث نمبر: 875 |
سیدنا ابوہریرہ رضی اللہ عنہ نبی صلی اللہ علیہ وسلم سے روایت کرتے ہیں کہ بے شک آپ صلی اللہ علیہ وسلم نے فرمایا: ”وہ شخص جنت میں داخل نہیں ہو سکتا جس کی ایذا رسانیوں سے اس کا ہمسایہ محفوظ نہ ہو۔“
اسے امام مسلم نے بھی اپنی سند کے ساتھ سیدنا ابوہر یرہ رضی اللہ عنہ سے روایت کیا ہے کہ رسول اللہ صلی اللہ علیہ وسلم نے فرمایا ”: وہ شخص جنت میں داخل نہیں ہو سکتا جس کی ایذا رسانیوں سے اس کا ہمسایہ محفوظ نہ ہو۔“ [مسند الشهاب/حدیث: 875]
اسے امام مسلم نے بھی اپنی سند کے ساتھ سیدنا ابوہر یرہ رضی اللہ عنہ سے روایت کیا ہے کہ رسول اللہ صلی اللہ علیہ وسلم نے فرمایا ”: وہ شخص جنت میں داخل نہیں ہو سکتا جس کی ایذا رسانیوں سے اس کا ہمسایہ محفوظ نہ ہو۔“ [مسند الشهاب/حدیث: 875]
تخریج الحدیث: «صحيح، وأخرجه البخاري فى «صحيحه» برقم: 6016، ومسلم فى «صحيحه» برقم: 46، والحاكم فى «مستدركه» برقم: 21، 7392، وأحمد فى «مسنده» برقم: 7993»
569. لَا يَدْخُلُ الْجَنَّةَ قَتَّاتٌ
569. چغل خور جنت میں نہیں جائے گا
| حدیث نمبر: 876 |
سیدنا حذیفہ رضی اللہ عنہ کہتے ہیں کہ میں نے نبی صلی اللہ علیہ وسلم کو یہ فرماتے سنا: ”چغل خور جنت میں نہیں جائے گا۔“ [مسند الشهاب/حدیث: 876]
تخریج الحدیث: «صحيح، وأخرجه البخاري فى «صحيحه» برقم: 6056، ومسلم فى «صحيحه» برقم: 105،وابن حبان فى «صحيحه» برقم: 5765، والنسائي فى «الكبریٰ» برقم: 11550، وأبو داود فى «سننه» برقم: 4871، والترمذي فى «جامعه» برقم: 2026، والحميدي فى «مسنده» برقم: 448،والطبراني فى «الكبير» برقم: 3021، والطبراني فى «الصغير» برقم: 561، والبيهقي فى «سننه الكبير» برقم: 16770، 21222، وأحمد فى «مسنده» برقم: 23719»
570. لَا يَحِلُّ لِمُسْلِمٍ أَنْ يُرَوِّعَ مُسْلِمًا
570. کسی مسلمان کے لیے حلال نہیں کہ وہ کسی مسلمان کو ڈرائے
| حدیث نمبر: 877 |
سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”کسی مسلمان کے لیے حلال نہیں کہ وہ کسی مسلمان کو ڈرائے۔“ [مسند الشهاب/حدیث: 877]
تخریج الحدیث: «إسناده ضعيف جدا، وأخرجه الزهد لابن المبارك: 688، الكامل لابن عدى: 9/39»
یحییٰ بن عبید اللہ متروک ہے۔
یحییٰ بن عبید اللہ متروک ہے۔
| حدیث نمبر: 878 |
عبد الرحمٰن بن ابی لیلی کہتے ہیں کہ اصحاب محمد ( صلی اللہ علیہ وسلم ) نے ہمیں بیان کیا کہ بے شک وہ رات کے وقت نبی صلی اللہ علیہ وسلم کے ساتھ سفر کر رہے تھے ان میں سے ایک آدمی سو گیا تو کسی شخص نے اپنی رسی لی اور اس کی طرف گیا اور اسے پکڑا تو وہ ڈر گیا تب رسول اللہ صلی اللہ علیہ وسلم نے فرمایا: ”کسی مسلمان کے لیے حلال نہیں کہ وہ کسی مسلمان کو ڈرائے۔“ [مسند الشهاب/حدیث: 878]
تخریج الحدیث: «إسناده حسن، وأخرجه أبو داود: 5004، أحمد: 362/5، شرح مشكل الآثار: 1625»
| حدیث نمبر: 879 |
سیدنا انس بن مالک رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا۔۔۔۔ اور انہوں نے یہ حدیث بیان کی۔ [مسند الشهاب/حدیث: 879]
تخریج الحدیث: إسناده ضعيف جدا، أحمد بن عبد الرحمٰن بن جارود کذاب ہے۔
571. لَا يَحِلُّ لِامْرِئٍ أَنْ يَهْجُرَ أَخَاهُ فَوْقَ ثَلَاثٍ
571. کسی شخص کے لیے حلال نہیں کہ وہ اپنے بھائی سے تین دن سے زیادہ ترک تعلق رکھے
| حدیث نمبر: 880 |
محمد بن سعد اپنے والد سے روایت کرتے ہیں، انہوں نے کہا: کہ رسول الله صلی اللہ علیہ وسلم نے فرمایا: ”کسی شخص کے لیے حلال نہیں کہ وہ اپنے بھائی سے تین دن سے زیادہ ترک تعلق رکھے۔“ [مسند الشهاب/حدیث: 880]
تخریج الحدیث: «إسناده حسن، وأخرجه أحمد: 1/183، 392/2، ابن ابي شيبة: 25878»