|
 |
|
1- حدیث نمبر سے حدیث تلاش کیجئے: |
مسند الشهاب
احادیث601 سے 800
| حدیث نمبر: 641 |
سیدنا انس رضی اللہ عنہ کہتے ہیں کہ میں نے نبی صلی اللہ علیہ وسلم سے سنا۔۔۔۔۔۔ اور انہوں نے یہ حدیث بیان کی۔ [مسند الشهاب/حدیث: 641]
تخریج الحدیث: إسناده ضعیف، حارث بن نعمان اور سعید بن عمارہ ضعیف ہیں، اس میں اور بھی علتیں ہیں۔
413. أَبَا هِرٍّ أَحْسِنْ جِوَارَ مَنْ جَاوَرَكَ تَكُنْ مُسْلِمًا وَأَحْسَنْ مُصَاحَبَةِ مَنْ صَاحَبَكَ تَكُنْ مُؤْمِنًا، وَاعْمَلْ بِفَرَائِضِ اللَّهِ تَكُنْ عَابِدًا، وَارْضَ بِقَسْمِ اللَّهِ تَكُنْ زَاهِدًا
413. ابوہر! اپنے پڑوسی کے ساتھ اچھا سلوک کرو (حقیقی) مسلمان بن جاؤ گے، اپنے ساتھی کے ساتھ حسن سلوک کرو مومن بن جاؤ گے، اللہ کے فرائض پر عمل کر و عبادت گزار بن جاؤ گے اور اللہ کی تقسیم پر راضی رہو زاہد بن جاؤ گے۔
| حدیث نمبر: 642 |
سیدنا ابوہریرہ رضی اللہ عنہ کہتے ہیں کہ رسول اللہ نے فرمایا: ”ابوہر! اپنے پڑوسی کے ساتھ اچھا سلوک کرو (حقیقی) مسلمان بن جاؤ گے، اپنے ساتھی کے ساتھ حسن سلوک کرو مومن بن جاؤ گے، اللہ کے فرائض پر عمل کر و عبادت گزار بن جاؤ گے اور اللہ کی تقسیم پر راضی رہو زاہد بن جاؤ گے۔“ [مسند الشهاب/حدیث: 642]
تخریج الحدیث: إسناده ضعیف، سلیمان بن ابی کریمہ اور عمرو بن ہاشم ضعیف ہیں۔
414. ازْهَدْ فِي الدُّنْيَا يُحِبُّكَ اللَّهُ، وَازْهَدْ فِيمَا فِي أَيْدِي النَّاسِ يُحِبُّكَ النَّاسُ
414. دنیا سے بے رغبتی اختیار کرو اللہ تم سے محبت کرے گا اور لوگوں کے پاس جو کچھ ہے اس سے بے نیاز رہو لوگ تم سے محبت کریں گے
| حدیث نمبر: 643 |
سیدنا سہل بن سعد رضی اللہ عنہ سے مروی ہے کہ بے شک نبی صلی اللہ علیہ وسلم نے ایک شخص کو وعظ کرتے ہوئے فرمایا: ”تم دنیا سے بے رغبتی اختیار کرو اللہ تم سے محبت کرے گا اور لوگوں کے پاس جو کچھ ہے اس سے بے نیاز رہو لوگ تم سے محبت کریں گے۔“ [مسند الشهاب/حدیث: 643]
تخریج الحدیث: «إسناده ضعيف جداً، وأخرجه ابن ماجه: 4102، حاكم: 4/ 313» خالد بن عمرو متروک ہے۔
415. كُنَّ فِي الدُّنْيَا كَأَنَّكَ غَرِيبٌ أَوْ كَأَنَّكَ عَابِرُ سَبِيلٍ، وَعَدَّ نَفْسَكَ فِي أَصْحَابِ الْقُبُورِ
415. دنیا میں ایسے رہو گویا ایک پردیسی ہو یا گویا ایک راہ گیر ہو اور اپنے آپ کو قبر والوں میں شمار کرو
| حدیث نمبر: 644 |
سیدنا ابن عمر رضی اللہ عنہ کہتے ہیں کہ رسول اللہ صلی اللہ علیہ وسلم نے میرا ہاتھ پکڑ کر فرمایا: ”دنیا میں ایسے رہو گویا ایک پردیسی ہو یا گویا ایک راہ گیر ہو اور اپنے آپ کو قبر والوں میں شمار کرو۔“ [مسند الشهاب/حدیث: 644]
تخریج الحدیث: «إسناده ضعيف، وأخرجه ابن الاعرابي: 979، الضعفاء للعقيلى: 3/ 963» أعمش مدلس کا عنعنہ ہے۔
416. «دَعْ مَا يَرِيبُكَ إِلَى مَا لَا يَرِيبُكُ»
416. جس چیز میں شک ہو اسے چھوڑ کر اسے اختیار کرو جس میں شک نہ ہو
| حدیث نمبر: 645 |
سیدنا ابن عمر رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا ”جس چیز میں شک ہو اسے چھوڑ کر اسے اختیار کرو جس میں شک نہ ہو۔ “ اور انہوں نے اسے اختصار کے ساتھ ذکر کیا۔ [مسند الشهاب/حدیث: 645]
تخریج الحدیث: «إسناده حسن، وأخرجه الطبراني فى «الصغير» برقم: 32، 284»
417. انْصُرْ أَخَاكَ ظَالِمًا أَوْ مَظْلُومًا
417. اپنے بھائی کی مدد کرو خواہ وہ ظالم ہو یا مظلوم۔
| حدیث نمبر: 646 |
سیدنا انس رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”اپنے بھائی کی مدد کرو خواہ وہ ظالم ہو یا مظلوم۔“ [مسند الشهاب/حدیث: 646]
تخریج الحدیث: «صحيح، وأخرجه البخاري فى «صحيحه» برقم: 2443، 2444، 6952، وابن حبان فى «صحيحه» برقم: 5167، 5168، والترمذي فى «جامعه» برقم: 2255، والطبراني فى «الصغير» برقم: 576، وأحمد فى «مسنده» برقم: 12130، 13280»
418. ارْحَمْ مَنْ فِي الْأَرْضِ يَرْحَمْكَ مَنْ فِي السَّمَاءِ
418. تم زمین والوں پر رحم کرو آسمان والا تم پر رحم کرے گا
| حدیث نمبر: 647 |
سیدنا عبد اللہ بن مسعود رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”تم زمین والوں پر رحم کرو آسمان والا تم پر رحم ک [مسند الشهاب/حدیث: 647]
تخریج الحدیث: «إسناده ضعيف، وأخرجه طيالسي: 333، المعجم الصغير: 281، وابويعلى: 5063» ابوعبیدہ اور سیدنا ابن مسعود رضی اللہ عنہ کے درمیان انقطاع ہے، اس میں اور بھی علتیں ہیں۔
419. اسْمَحْ يُسْمَحْ لَكَ
419. نرمی برتو تمہارے ساتھ بھی نرمی برتی جائے گی
| حدیث نمبر: 648 |
سیدنا ابن عباس رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”نرمی برتو تمہارے ساتھ بھی نرمی برتی جائے گی۔“ [مسند الشهاب/حدیث: 648]
تخریج الحدیث: «إسناده صحيح، وأخرجه أحمد: 1/ 249، المعجم الاوسط: 5112، وشعب الايمان: 10745»
420. أَسْبِغِ الْوُضُوءَ يَزِدْ فِي عُمُرِكَ، وَسَلِّمْ عَلَى أَهْلِ بَيْتِكَ يَكْثُرْ خَيْرُ بَيْتِكَ
420. وضو مکمل کرو تمہاری عمر میں اضافہ ہوگا، اپنے گھر والوں کو سلام کرو تمہارے گھر میں خیر و برکت بڑھے گی
| حدیث نمبر: 649 |
سیدنا انس رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”اے انس! وضو مکمل کرو تمہاری عمر میں اضافہ ہوگا، اپنے گھر والوں کو سلام کرو تمہارے گھر میں خیر و برکت بڑھے گی، میری امت کے جس شخص کو بھی ملوا سے سلام کرو تمہاری نیکیاں زیادہ ہوں گی، پاکیزگی کی حالت میں ہی سو یا کروکیونکہ اگر تم (اس حالت میں) فوت ہو گئے تو شہید فوت ہو گئے، چاشت کی نماز پڑھو کیونکہ وہ تم سے پہلے (اللہ کی طرف) رجوع کرنے والوں کی نماز ہے اور دن رات نماز پڑھو محافظ فرشتے تمہاری حفاظت کریں گے اور بڑے کی عزت کرو چھوٹے پر رحم کرو کل (روز قیامت) مجھ سے مل پاؤ گے۔“ [مسند الشهاب/حدیث: 649]
تخریج الحدیث: «إسناده ضعيف جدا، وأخرجه الضعفاء للعقيلي: 1/ 135» ازور بن غالب سخت ضعیف ہے۔ مزید دیکھیں: «شرح علل الحديث لابن ابي حاتم: ص 80 تا 83»
421. اسْتَعْفِفْ عَنِ السُّؤَالِ مَا اسْتَطَعْتَ
421. جہاں تک ممکن ہو مانگنے سے بچو
| حدیث نمبر: 650 |
سیدنا عبد اللہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جہاں تک ممکن ہو مانگنے سے بچو۔“ [مسند الشهاب/حدیث: 650]
تخریج الحدیث: «إسناده ضعيف، وأخرجه ابن خزيمة: 2435، وابويعلى: 5125، وحاكم: 1/108» ابراہیم ہجری جمہور کے نزدیک ضعیف ہے۔