سیدنا معاذ بن جبل رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”قرض دین میں عیب ہے۔“ [مسند الشهاب/حدیث: 31]

سیدنا علی رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو فرماتے سنا اور انہوں نے ایک لمبی حدیث میں اس بات کا بھی ذکر کیا۔ [مسند الشهاب/حدیث: 32]

سیدنا ابن عمر رضی اللہ کہتے ہیں کہ رسول اللہ صلی اللہ علیہ وسلم نے فرمایا:”خرچ میں میانہ روی نصف زندگی، لوگوں کے ساتھ باہمی الفت نصف عقل اور اچھا سوال نصف علم ہے۔“ [مسند الشهاب/حدیث: 33]

سیدنا جابر بن عبدالله رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”سلام کلام سے پہلے ہے۔“ [مسند الشهاب/حدیث: 34]

سیدنا ابن عباس رضی اللہ عنہما کہتے ہیں کہ رسول اللہ صلی اللہ علیہ وسلم نے فرمایا: ”رضاعت طبیعت کو بدل دیتی ہے۔“ [مسند الشهاب/حدیث: 35]

سیدنا ابن عباس رضی اللہ عنہما سے مروی ہے کہ بے شک رسول اللہ صلی اللہ علیہ وسلم نے فرمایا: ”برکت تمہارے بڑوں کے ساتھ ہے۔“ [مسند الشهاب/حدیث: 36]

سيدنا عبدالله بن عباس رضی اللہ عنہما کہتے ہیں کہ رسول اللہ صلی اللہ علیہ وسلم نے فرمایا: ”برکت تمہارے بڑوں کے ساتھ ہے۔“ [مسند الشهاب/حدیث: 37]

سیدنا عقبہ بن عامر جہنی رضی اللہ عنہ کہتے ہیں کہ ہم غزوہ تبوک میں رسول اللہ صلی اللہ علیہ وسلم کے ساتھ نکلے پس آپ نے آگ جلائی اور انہوں نے نبی صلی اللہ علیہ وسلم کے طویل خطبے کا ذکر کیا جس میں یہ (عمل کا سرمایہ اس کا اختتام ہے) بھی بیان کی۔ [مسند الشهاب/حدیث: 38]

سيدنا عبدالله بن عباس رضی اللہ عنہما کہتے ہیں کہ رسول اللہ علیہ نے فرمایا: ”کتاب کا شرف اس کا خاتمہ ہے اور یہ اللہ تعالی کا فرمان بھی ہے: بے شک میری طرف ایک بڑا عزت و شرف والا خط پھینکا گیا ہے۔“(النمل: 29) [مسند الشهاب/حدیث: 39]

سيدنا عبدالله بن عباس رضی اللہ عنہما کہتے ہیں کہ رسول اللہ صلی اللہ علیہ وسلم نے فرمایا: ”علم کی فضیلت عبادت سے افضل ہے اور دین کا سرمایہ پر ہیز گاری ہے۔“ [مسند الشهاب/حدیث: 40]