نبی اکرم صلی اللہ علیہ وسلم کی زوجہ مطہرہ سیدہ عائشہ رضی اللہ عنہانے بیان کیا کہ حمزہ بن عمرو اسلمی نے نبی کریم صلی اللہ علیہ وسلم سے عرض کی میں سفر میں روزہ کھوں؟ وہ روزے بکثرت رکھا کرتے تھے نبی اکرم صلی اللہ علیہ وسلم نے فرمایا کہ اگر جی چاہے تو روزہ رکھ اور جی چاہے تو افطار کر۔ [اللؤلؤ والمرجان/كتاب الصيام/حدیث: 684]

سیّدناابودرداء رضی اللہ عنہ نے کہا ہم نبی کریم صلی اللہ علیہ وسلم کے ساتھ ایک سفر کر رہے تھے دن انتہائی گرم تھا گرمی کا یہ عالم کہ گرمی کی سختی سے لوگ اپنے سروں کو پکڑ پکڑ لیتے تھے نبی کریم صلی اللہ علیہ وسلم اور ابن رواحہ کے سوا اور کوئی شخص روزہ سے نہیں تھا۔ [اللؤلؤ والمرجان/كتاب الصيام/حدیث: 685]