سیدنا انس بن مالک رضی اللہ عنہ کہتے ہیں کہ رسول اللہ صلی اللہ علیہ وسلم کی دعاؤں میں سے ایک یہ بھی تھی: ”اے اللہ! بے شک میں ایسے علم سے تیرہ پناہ چاہتا ہوں جو نفع مند نہ ہو، ایسے دل سے جو ڈرتا نہ ہو، ایسی دعا سے جو قبول نہ ہو اور ایسے نفس سے جو سیر نہ ہو۔ میں ان چاروں چیزوں کے شر سے تیری پناہ چاہتا ہوں۔“ [مسند الشهاب/حدیث: 1466]

یہ روایت ایک دوسری سند سے بھی خلف بن خلیفہ سے ان کی سند کے ساتھ اس طرح مروی ہے اور اس کے آخر میں یہ ہے: ”اے اللہ! بے شک میں ان چاروں چیزوں کے شر سے تیری پناہ چاہتا ہوں۔“ [مسند الشهاب/حدیث: 1467]

سیدنا انس رضی اللہ عنہ سے مروی ہے کہ بے شک رسول اللہ صلی اللہ علیہ وسلم فرمایا کرتے تھے: ”اے اللہ! بے شک میں تیری پناہ چاہتا! ہوں ایسے علم سے جو نفع مند نہ ہو، ایسے عمل سے جو اد پر تیری بارگاہ کی طرف نہ چڑھے، ایسے دل سے جو (تجھ سے) ڈرتا نہ ہو اور ایسی بات سے جو سنی نہ جائے۔“ [مسند الشهاب/حدیث: 1468]