سیدنا ابن مسعود رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”بے شک روح القدس نے میرے دل میں پھونکا کہ بے شک کوئی شخص اس وقت تک نہیں مرے گا جب تک اپنا رزق نہ پورا کر لے لہٰذا تم اس سے ڈرو اور عمدہ (جائز) طریقے سے رزق طلب کرو۔“ [مسند الشهاب/حدیث: 1151]

سیدنا جابر رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”لوگو! بے شک تم میں سے کوئی بھی اس وقت تک ہرگز نہ مرے گا جب تک اپنا رزق نہ پورا کر لے، اور رزق کو مؤخر نہ سمجھو، ا اللہ سے ڈرو، اور عمدہ طریقے سے رزق طلب کرو، جو چیز حلال ہو وہ لے لو اور جو حرام ہو اسے چھوڑ دو۔ [مسند الشهاب/حدیث: 1152]