سیدہ عائشہ رضی اللہ عنہا نبی صلی اللہ علیہ وسلم سے روایت کرتی ہیں کہ آپ صلی اللہ علیہ وسلم نے فرمایا۔۔۔۔۔۔ اور انہوں نے ایک حدیث بیان کی اور اس میں یہ بھی تھا: ”دوستی نبھانا ایمان میں سے ہے۔“ [مسند الشهاب/حدیث: 971]

سیدہ عائشہ رضی اللہ عنہا کہتی ہیں کہ نبی صلی اللہ علیہ وسلم کے پاس ایک بوڑھی عورت آیا کرتی تھی آپ اس سے خوش ہوتے اور اس کی عزت کرتے۔ میں نے عرض کیا: میرے ماں باپ آپ پر قربان ہوں، جیسا سلوک آپ اس بڑھیا کے ساتھ کرتے ہیں ایسا کسی اور کے ساتھ تو نہیں کرتے؟ آپ صلی اللہ علیہ وسلم نے فرمایا: ”بے شک یہ عورت خدیجہ کے پاس آیا کرتی تھی، کیا تمہیں معلوم نہیں کہ بے شک دوستی کا خیال رکھنا ایمان میں سے ہے؟“ [مسند الشهاب/حدیث: 972]