ابوہریرہ رضی اللہ عنہ بیان کرتے ہیں، رسول اللہ صلی ‌اللہ ‌علیہ ‌وآلہ ‌وسلم نے فرمایا: ”مؤذن کو اس کی آواز کے مطابق مغفرت سے نوازا جاتا ہے، ہر خشک و تر اس کے حق میں گواہی دیتی ہے، اور نماز کے لیے آنے والے شخص کے لیے پچیس نمازوں کا ثواب لکھا جاتا ہے، اور اس سے دو نمازوں کے مابین ہونے والے گناہ معاف کر دیے جاتے ہیں۔ “ احمد، ابوداؤد، ابن ماجہ۔ اسنادہ حسن۔ امام نسائی نے ”ہر خشک و تر“ کے الفاظ تک روایت کیا ہے، اور فرمایا: ”نماز پڑھنے والے کی مثل اسے بھی اجر ملتا ہے۔ “ [مشكوة المصابيح/كتاب الصلاة/حدیث: 667]