(آیت 102) ➊ وَ مَا وَجَدْنَا لِاَكْثَرِهِمْ مِّنْ عَهْدٍ: ” مِنْ عَهْدٍ “ (کوئی بھی عہد) کا لفظ نکرہ استعمال ہوا ہے، جس کا عموم ” مِنْ “ سے مزید بڑھ گیا ہے۔ مراد کسی بھی قسم کا عہد ہے، نہ فطری جو ” اَلَسْتُ بِرَبِّكُمْ “ کے وقت کیا تھا، نہ شرعی جو پیغمبروں سے عذاب ٹالنے کی درخواست کے وقت کرتے تھے اور نہ عرفی جو وہ آپس میں ایک دوسرے سے کرتے تھے۔

➋ لَفٰسِقِيْنَ: ”نافرمان“ یعنی کسی عہد کا پاس نہ کرنے والے پکے بے ایمان۔