(آیت 15) دیکھیے سورۂ بقرہ کی آیت (۲۵) کی تفسیر۔ اس آیت میں مذکور لفظ ”رِضْوَانٌ“ ” رَضِيَ يَرْضَي (س)“ ناقص واوی سے مصدر ہے، اس کا مصدر ”رِضًا “ بھی آتا ہے، مگر ”رِضْوَانٌ“ میں حروف زیادہ ہونے اور تنوین برائے تعظیم ہونے کی وجہ سے ترجمہ ”عظیم خوشنودی “ کیا گیا ہے۔ حقیقت یہ ہے کہ یہ نعمت جنت کی تمام نعمتوں سے اعلیٰ ہے، اللہ نے فرمایا: «وَ رِضْوَانٌ مِّنَ اللّٰهِ اَكْبَرُ» ‏‏‏‏ [التوبۃ: ۷۲ ] ”اور اللہ کی طرف سے تھوڑی سی خوشنودی سب سے بڑی ہے۔“