(آیت 6) اِنَّ الَّذِيْنَ كَفَرُوْا مِنْ اَهْلِ الْكِتٰبِ …: ” الْبَرِيَّةِ “ ”بَرَأَ يَبْرَأُ بَرْأً وَ بُرُوْءًا“ (ف) (پیدا کرنا) سے ”فَعِيْلَةٌ“ کے وزن پر اسم مفعول کے معنی میں ہے، مخلوق۔ یعنی یہ لوگ تمام مخلوق حتیٰ کہ جانوروں سے بھی بدتر ہیں، جیسا کہ فرمایا: «‏‏‏‏اُولٰٓىِٕكَ كَالْاَنْعَامِ بَلْ هُمْ اَضَلُّ» [ الأعراف: ۱۷۹ ] ” یہ لوگ جانوروں کی طرح ہیں، بلکہ ان سے بھی زیادہ گمراہ ہیں۔“ کیونکہ یہ جان بوجھ کر حق کی مخالفت کر رہے ہیں۔