(آیت 1) اِذَا السَّمَآءُ انْشَقَّتْ: دوسری جگہ فرمایا: «‏‏‏‏وَ فُتِحَتِ السَّمَآءُ فَكَانَتْ اَبْوَابًا» ‏‏‏‏ [ النبا: ۱۹ ] ”اور آسمان کھولا جائے گا تو وہ دروازے دروازے ہو جائے گا۔“ اور فرمایا: «‏‏‏‏وَ يَوْمَ تَشَقَّقُ السَّمَآءُ بِالْغَمَامِ وَ نُزِّلَ الْمَلٰٓىِٕكَةُ تَنْزِيْلًا» [ الفرقان: ۲۵ ] ”جس دن آسمان بادلوں کے ساتھ پھٹے گا اور فرشتے گروہ در گروہ اتارے جائیں گے۔“ یہ نفخہ ثانیہ کے ساتھ ہو گا، آگے زمین سے مردوں کے نکلنے کے ذکر سے بھی یہی معلوم ہو رہا ہے۔