قضائے حاجت کا بیان
1. قبلہ رخ ہو کر قضائے حاجت کرنا منع ہے
حدیث نمبر: 39 |
|
نبی صلی اللہ علیہ وسلم کے صحابی ابوایوب (الانصاری رضی اللہ عنہ) جب مصر میں تھے تو انہوں نے فرمایا: اللہ کی قسم! میں نہیں جانتا کہ میں ان (قبلہ رخ) لیڑینوں کے ساتھ کیا کروں؟ اور رسول اللہ صلی اللہ علیہ وسلم نے فرمایا ہے: ”جب تم میں سے کوئی آدمی پاخانہ یا پیشاب کرنے کے لئے جائے تو نہ قبلے کی طرف رخ کرے اور نہ اپنی شرمگاہ کے ساتھ قبلے کی طرف پیٹھ کرے۔“
تخریج الحدیث: «124- الموطأ (رواية يحييٰ بن يحييٰ 193/1 ح 455، ك 14 ب 1 ح 1) التمهيد 303/1، وقال ”حديث متصل صحيح“، الاستذكار: 424 و أخرجه النسائي (21/1، ح 20) من حديث ابن القاسم عن الإمام مالك به وللحديث طرق عند البخاري (144) ومسلم (264) وغيرهما.»
قال الشيخ زبير على زئي: سنده صحيح
