سیدنا عبداللہ بن عمرو رضی اللہ عنہ کہتے ہیں: میں نے کہا: اے اللہ کے رسول! مجھے کتنے دنوں میں قرآن مجید کی تلاوت مکمل کرنی چاہیئے؟ آپ صلی اللہ علیہ وسلم نے فرمایا: ”ہر ماہ میں مکمل قرآن پڑھ لیا کر۔“ میں نے کہا: میں اس سے زیادہ پڑھنے پر قدرت رکھتا ہوں۔ آپ صلی اللہ علیہ وسلم نے فرمایا: تو پھر پچیس دنوں میں سہی۔“ . . . ”یا پھر بیس دنوں میں۔“ . . . ”چلو پندرہ دنوں میں سہی۔“ ..... ”نہیں تو سات دنوں میں، (‏‏‏‏اتنی بات ضرور ہے کہ) جس نے تین ایام سے کم عرصہ میں قرآن مجید کو مکمل کر لیا، اس نے سمجھا نہیں۔