الشيخ حافط عبدالستار الحماد حفظ الله، فوائد و مسائل، تحت الحديث صحيح بخاري:4029
4029. حضرت سعید بن جبیر ؓ سے روایت ہے، انہوں نے کہا کہ میں نے ابن عباس ؓ سے عرض کیا: یہ سورۃ الحشر ہے تو انہوں نے فرمایا: ”اسے سورہ نضیر کہو۔“ ہشام نے ابوبشر سے روایت کرنے میں ابوعوانہ کی متابعت کی ہے۔ [صحيح بخاري، حديث نمبر:4029]
حدیث حاشیہ: حضرت ابن عباس ؓ اسے دواسباب کی بنا پر سورہ حشر کہنے سے گریز کرتے تھے:
۔
مسلمانوں میں حشر سے مراد حشر آخرت مشہور ہے جبکہ اس میں اول حشر سے مراد اخراج بنونضیر ہے۔
۔
سورہ حشر کہنے سے ابہام رہتا ہے جبکہ سورہ بنونضیر کے نام سے اصل واقعے کی طرف اشارہ ہوجاتا ہے۔
لیکن تمام قراء نے اس سورت کا یہی نام تجویز کیا ہے اور اسی نام سے یہ سور مشہور ہے، پھر نام رکھنے میں لغوی معنی بھی ملحوظ نہیں ہوتے۔
اس کے علاوہ اس سورت کا مذکورہ نام حضرت ابن عباس ؓ سے بھی مروی ہے۔
(فتح الباری: 416/7) هداية القاري شرح صحيح بخاري، اردو، حدیث\صفحہ نمبر: 4029