● صحيح البخاري | 7325 | عبد الله بن عباس | أتى العلم الذي عند دار كثير بن الصلت فصلى ثم خطب لم يذكر أذانا ولا إقامة أمر بالصدقة فجعل النساء يشرن إلى آذانهن وحلوقهن فأمر بلالا فأتاهن ثم رجع إلى النبي |
● صحيح البخاري | 5883 | عبد الله بن عباس | صلى يوم العيد ركعتين لم يصل قبلها ولا بعدها أتى النساء ومعه بلال أمرهن بالصدقة فجعلت المرأة تلقي قرطها |
● صحيح البخاري | 959 | عبد الله بن عباس | لم يكن يؤذن بالصلاة يوم الفطر إنما الخطبة بعد الصلاة |
● صحيح البخاري | 964 | عبد الله بن عباس | صلى يوم الفطر ركعتين لم يصل قبلها ولا بعدها أتى النساء ومعه بلال أمرهن بالصدقة فجعلن يلقين تلقي المرأة خرصها وسخابها |
● صحيح البخاري | 975 | عبد الله بن عباس | صلى ثم خطب أتى النساء فوعظهن وذكرهن أمرهن بالصدقة |
● صحيح البخاري | 5249 | عبد الله بن عباس | صلى ثم خطب ولم يذكر أذانا ولا إقامة أتى النساء فوعظهن وذكرهن أمرهن بالصدقة فرأيتهن يهوين إلى آذانهن وحلوقهن يدفعن إلى بلال ثم ارتفع هو و بلال إلى بيته |
● صحيح البخاري | 962 | عبد الله بن عباس | يصلون قبل الخطبة |
● صحيح البخاري | 977 | عبد الله بن عباس | صلى ثم خطب أتى النساء ومعه بلال فوعظهن وذكرهن أمرهن بالصدقة فرأيتهن يهوين بأيديهن يقذفنه في ثوب بلال ثم انطلق هو وبلال إلى بيته |
● صحيح البخاري | 989 | عبد الله بن عباس | خرج يوم الفطر فصلى ركعتين لم يصل قبلها ولا بعدها ومعه بلال |
● صحيح البخاري | 1449 | عبد الله بن عباس | صلى قبل الخطبة لم يسمع النساء فأتاهن ومعه بلال ناشر ثوبه فوعظهن أمرهن أن يتصدقن فجعلت المرأة تلقي وأشار أيوب إلى أذنه وإلى حلقه |
● صحيح البخاري | 1431 | عبد الله بن عباس | صلى ركعتين لم يصل قبل ولا بعد مال على النساء ومعه بلال فوعظهن أمرهن أن يتصدقن فجعلت المرأة تلقي القلب والخرص |
● صحيح مسلم | 2045 | عبد الله بن عباس | صلى قبل الخطبة ثم خطب لم يسمع النساء فأتاهن فذكرهن ووعظهن أمرهن بالصدقة وبلال قائل بثوبه فجعلت المرأة تلقي الخاتم والخرص والشيء |
● صحيح مسلم | 2057 | عبد الله بن عباس | خرج يوم أضحى أو فطر فصلى ركعتين لم يصل قبلها ولا بعدها أتى النساء ومعه بلال أمرهن بالصدقة فجعلت المرأة تلقي خرصها وتلقي سخابها |
● جامع الترمذي | 537 | عبد الله بن عباس | خرج يوم الفطر فصلى ركعتين ثم لم يصل قبلها ولا بعدها |
● سنن أبي داود | 1147 | عبد الله بن عباس | صلى العيد بلا أذان ولا إقامة |
● سنن أبي داود | 1146 | عبد الله بن عباس | صلى ثم خطب ولم يذكر أذانا ولا إقامة أمر بالصدقة جعل النساء يشرن إلى آذانهن وحلوقهن قال فأمر بلالا فأتاهن ثم رجع إلى النبي |
● سنن أبي داود | 1159 | عبد الله بن عباس | خرج رسول الله يوم فطر فصلى ركعتين لم يصل قبلهما ولا بعدهما ثم أتى النساء ومعه بلال أمرهن بالصدقة فجعلت المرأة تلقي خرصها وسخابها |
● سنن أبي داود | 1142 | عبد الله بن عباس | خرج يوم فطر فصلى ثم خطب أتى النساء ومعه بلال |
● سنن النسائى الصغرى | 1588 | عبد الله بن عباس | خرج يوم العيد فصلى ركعتين لم يصل قبلها ولا بعدها |
● سنن النسائى الصغرى | 1570 | عبد الله بن عباس | بدأ بالصلاة قبل الخطبة ثم خطب |
● سنن النسائى الصغرى | 1587 | عبد الله بن عباس | صلى ثم خطب أتى النساء فوعظهن وذكرهن أمرهن أن يتصدقن فجعلت المرأة تهوي بيدها إلى حلقها تلقي في ثوب بلال |
● سنن ابن ماجه | 1274 | عبد الله بن عباس | صلى يوم العيد بغير أذان ولا إقامة |
● سنن ابن ماجه | 1291 | عبد الله بن عباس | خرج فصلى بهم العيد لم يصل قبلها ولا بعدها |
● سنن ابن ماجه | 1273 | عبد الله بن عباس | صلى قبل الخطبة ثم خطب لم يسمع النساء فأتاهن فذكرهن ووعظهن أمرهن بالصدقة وبلال قائل بيديه هكذا فجعلت المرأة تلقي الخرص والخاتم والشيء |
● بلوغ المرام | 391 | عبد الله بن عباس | صلى يوم العيد ركعتين لم يصل قبلهما ولا بعدهما |
● بلوغ المرام | 392 | عبد الله بن عباس | العيد بلا اذان ولا إقامة |
● مسندالحميدي | 482 | عبد الله بن عباس | أنه صلى قبل الخطبة يوم العيد، ثم خطب فرأى أنه لم يسمع النساء فأتاهن فوعظهن وذكرهن وأمرهن بالصدقة |
الشيخ محمد حسين ميمن حفظ الله، فوائد و مسائل، تحت الحديث صحيح بخاري 975
´بچوں کا عیدگاہ جانا`
«. . . قَالَ:" خَرَجْتُ مَعَ النَّبِيِّ صَلَّى اللَّهُ عَلَيْهِ وَسَلَّمَ يَوْمَ فِطْرٍ أَوْ أَضْحَى فَصَلَّى، ثُمَّ خَطَبَ، ثُمَّ أَتَى النِّسَاءَ فَوَعَظَهُنَّ وَذَكَّرَهُنَّ وَأَمَرَهُنَّ بِالصَّدَقَةِ . . .»
”. . . انہوں نے فرمایا کہ میں نے عیدالفطر یا عید الاضحی کے دن نبی کریم صلی اللہ علیہ وسلم کے ساتھ نماز پڑھی۔ آپ صلی اللہ علیہ وسلم نے نماز پڑھنے کے بعد خطبہ دیا پھر عورتوں کی طرف آئے اور انہیں نصیحت فرمائی اور صدقہ کے لیے حکم فرمایا . . .“ [صحيح البخاري/كِتَاب الْعِيدَيْنِ: 975]
فوائد و مسائل:
باب اور حدیث میں مناسبت:
باب میں بچوں کا عیدگاہ جانے پر اشارہ کیا گیا ہے اور حدیث جو پیش کی گئی ہے اس میں عورتوں کو نصیحت کرنے کا ذکر فرمایا گیا ہے یعنی حدیث میں بچوں کے عیدگاہ جانے کے کوئی الفاظ نہیں ہیں لیکن اگر تدبر کیا جائے تو باب اور حدیث میں مناسبت کچھ اس طرح سے ہے کہ ابن عباس رضی اللہ عنہما اس وقت جوان نہیں ہوئے تھے وہ نابالغ تھے اور وہ بھی عیدگاہ میں موجود تھے۔ لہٰذا یہیں سے ترجمۃ الباب اور حدیث میں مناسبت ہو گی۔ اس کے علاوہ اگر غور کیا جائے کہ نبی کریم صلی اللہ علیہ وسلم نے عورتوں کو وصیت فرمائی، اس حدیث کو ذکر کرنے میں یہ حکمت ہے اور باب کے ساتھ مناسبت بھی ہے کہ لازمی طور پر عورتیں جن کے چھوٹے بچے ہوں گے وہ اپنے بچوں کو بھی ساتھ لائی ہوں گی۔ کیوں کہ حدیث میں واضح ہے کہ عید کی نماز میں اگر ایک عورت کے پاس چادر نہیں ہے تو وہ اپنی بہن کے ساتھ چادر میں پردہ کر کے عیدگاہ آئے اور نماز و دعا میں شریک ہو حتی کہ حائضہ عورت بھی مصلی کی جگہ سے دور رہے اور وہ بھی دعا میں شرکت کے لیے عیدگاہ پہنچے جب ایسے حالات میں عورتوں کو عیدگاہ پر آنے کی تلقین کی گئی ہے تو ان کے ساتھ ان کے بچے بھی آ سکتے ہیں، یہیں سے ترجمۃ الباب میں مناسبت ہے۔
◈ حافظ ابن حجر رحمہ اللہ فرماتے ہیں:
«لكن جري المصنف على عادته فى الاشارة إلى ما ورد فى بعض طرق . . .» [فتح الباري، ج2، ص590]
لیکن امام بخاری رحمہ اللہ نے اپنی عادت کے مطابق بعض طرق کی طرف اشارہ فرمایا ہے کہ آئندہ باب میں مذکور ہیں کہ «ولو لا مكاني من الصغر ما شهدته» ابن عباس رضی اللہ عنہما نے فرمایا: ”اگر باوجود کم عمری کے میری قدر و منزلت آپ کے نزدیک نہ ہوتی تو میں نہیں جا سکتا تھا (عیدگاہ میں)۔“
اس واضح الفاظ کی طرف امام بخاری رحمہ اللہ نے اشارہ فرمایا کہ ابن عباس رضی اللہ عنہما چھوٹی عمر میں عیدگاہ گئے۔ لہٰذا یہیں سے ترجمۃ الباب اور حدیث میں مناسبت ہے۔
(قلت) اگر غور کیا جائے خواتین نبی کریم صلی اللہ علیہ وسلم کے دور میں جمعہ کی نماز کے لیے آتیں اور ان کے ساتھ بچے بھی ہوتے جن کے رونے کی وجہ سے نبی کریم صلی اللہ علیہ وسلم اپنی قرأت میں تخفیف فرمایا کرتے تھے۔ جب عیدگاہ میں خواتین کو تاکید کے ساتھ آنے کی ترغیب دی جا رہی ہے تو لازماً ان کے بچے بھی ان کے ساتھ ہوں گے۔ اگر عید میں بچوں کا آنا ممنوع ہوتا تو نبی کریم صلی اللہ علیہ وسلم واضح بچوں کے آنے پر پاپندی لگاتے۔ لہٰذا جب انکار ثابت نہیں تو بچوں کے آنے کا مسئلہ مسجد و عیدگاہ میں اپنی جگہ مسلّم رہا۔
عون الباری فی مناسبات تراجم البخاری ، جلد اول، حدیث\صفحہ نمبر: 220
الشيخ عمر فاروق سعيدي حفظ الله، فوائد و مسائل، سنن ابي داود ، تحت الحديث 1147
´عید میں اذان نہ دینے کا بیان۔`
عبداللہ بن عباس رضی اللہ عنہما کہتے ہیں کہ رسول اللہ صلی اللہ علیہ وسلم نے عید کی نماز بغیر اذان اور اقامت کے پڑھی اور ابوبکر اور عمر یا عثمان رضی اللہ عنہم نے بھی، یہ شک یحییٰ قطان کو ہوا ہے۔ [سنن ابي داود/تفرح أبواب الجمعة /حدیث: 1147]
1147۔ اردو حاشیہ:
یہ ر وایت معناًً صحیح ہے۔ اسی لئے شیخ البانی رحمہ الله نے اس کی تصیح کی ہے۔
سنن ابی داود شرح از الشیخ عمر فاروق سعدی، حدیث\صفحہ نمبر: 1147
الشيخ عمر فاروق سعيدي حفظ الله، فوائد و مسائل، سنن ابي داود ، تحت الحديث 1159
´نماز عید کے بعد نفل پڑھنے کی ممانعت۔`
عبداللہ بن عباس رضی اللہ عنہما کہتے ہیں رسول اللہ صلی اللہ علیہ وسلم عید الفطر کے دن نکلے تو آپ نے دو رکعت پڑھی، نہ اس سے پہلے کوئی نماز پڑھی اور نہ اس کے بعد، پھر عورتوں کے پاس تشریف لائے اور آپ کے ساتھ بلال رضی اللہ عنہ بھی تھے، آپ نے انہیں صدقہ کا حکم دیا تو عورتیں اپنی بالیاں اور اپنے ہار (بلال رضی اللہ عنہ کے کپڑے میں نکال نکال کر) ڈالنے لگیں۔ [سنن ابي داود/تفرح أبواب الجمعة /حدیث: 1159]
1159. اردو حاشیہ:
عید کے روز عیدگاہ میں کوئی نفل نہیں نہ عید سے پہلے نہ بعد۔
سنن ابی داود شرح از الشیخ عمر فاروق سعدی، حدیث\صفحہ نمبر: 1159
مولانا عطا الله ساجد حفظ الله، فوائد و مسائل، سنن ابن ماجه، تحت الحديث1273
´عیدین کی نماز کا بیان۔`
عطاء کہتے ہیں کہ میں نے ابن عباس رضی اللہ عنہما کو کہتے سنا کہ میں گواہی دیتا ہوں کہ رسول اللہ صلی اللہ علیہ وسلم نے خطبے سے پہلے نماز ادا کی، پھر خطبہ دیا، آپ صلی اللہ علیہ وسلم نے محسوس کیا کہ عورتوں تک آواز نہیں پہنچ سکی ہے لہٰذا آپ ان کے پاس آئے، ان کو (بھی) وعظ و نصیحت کی، اور انہیں صدقہ و خیرات کا حکم دیا، اور بلال رضی اللہ عنہ اپنے دونوں ہاتھوں سے اپنا دامن پھیلائے ہوئے تھے جس میں عورتیں اپنی بالیاں، انگوٹھیاں اور دیگر سامان ڈالنے لگیں ۱؎۔ [سنن ابن ماجه/كتاب إقامة الصلاة والسنة/حدیث: 1273]
اردو حاشہ:
فوائد و مسائل:
(1)
گواہی کا مطلب یہ ہے کہ انھیں یہ سب کچھ اچھی طرح یاد ہے اور وہ پورے وثوق سے بیان کر رہے ہیں۔
جس طرح گواہ وہی بات کہتا ہے۔
جو اسے خوب اچھی طرح یاد ہو۔
اور اس میں اسے کوئی شک نہ ہو۔
(2)
عید الفطر اورعید الاضحیٰ میں پہلے نماز پھر خطبہ ہوتا ہے۔
جب کہ جمعے میں اس کے برعکس ہے۔
(3)
اگر کسی مقام پر لاؤڈ سپیکر کا بندوبست نہ ہوسکے۔
اور امام ضرورت محسوس کرے تو عورتوں کو الگ سے وعظ ونصیحت کی جا سکتی ہے۔
(5)
عورتیں اپنے ذاتی مال میں سے خاوند کی اجازت کے بغیر بھی صدقہ کرسکتی ہیں۔
اور خاوند کے مال میں سے اس کی اجازت سے صدقہ کرسکتی ہیں۔
خواہ اس نے صراحت سے اجازت دے رکھی ہو یا زیادہ گمان یہ ہو کہ خاوند اس صدقے سے ناراض نہیں ہوگا۔
یہ بھی اجازت ہی کے حکم میں ہے۔
(6)
بلال رضی اللہ تعالیٰ عنہ نے اپنے ہاتھ اس طرح کیے ہوئے تھے۔
راوی نے اشارہ کرکے بتایا اس کا مطلب یہ ہے کہ حضرت بلال رضی اللہ تعالیٰ عنہ کے ہاتھ میں کپڑا تھا۔
جوانہوں نے پھیلا رکھا تھا۔
تاکہ اس میں نقدی یا دوسری چیزیں ڈالی جا سکیں۔
(7)
مرد کسی ضرورت کے تحت عورتوں کے اجتماع میں جا سکتا ہے۔
بشرط یہ کہ کوئی غلط فہمی پید ا ہونے کا یا نامناسب نتائج نکلنے کا خدشہ نہ ہو۔
(8)
عورتیں عید کے موقع پر زیور پہن سکتی ہیں۔
(9(عورتوں کا انگوٹھیاں اور بالیاں پہننا جائز ہے۔
سنن ابن ماجہ شرح از مولانا عطا الله ساجد، حدیث\صفحہ نمبر: 1273
علامه صفي الرحمن مبارك پوري رحمه الله، فوائد و مسائل، تحت الحديث بلوغ المرام 391
´نماز عیدین کا بیان`
سیدنا ابن عباس رضی اللہ عنہما سے مروی ہے کہ نبی کریم صلی اللہ علیہ وسلم نے عید کے روز دو ہی رکعتیں ادا فرمائیں نہ پہلے کچھ پڑھا اور نہ بعد میں کوئی نماز پڑھی۔
اسے ساتوں یعنی احمد، بخاری، مسلم، ابوداؤد، ترمذی، نسائی، ابن ماجہ نے روایت کیا ہے۔ «بلوغ المرام/حدیث: 391»
تخریج: «أخرجه البخاري، العيدين، باب الخطبة بعد العيد، حديث:964، ومسلم، صلاة العيدين، باب ترك الصلاة قبل العيد وبعدها في المصلي، حديث:884، وأبوداود، صلاة الاستسقاء، حديث:1159، والترمذي، الجمعة، حديث:537، والنسائي، صلاة العيدين، حديث:1588، وابن ماجه، إقامة الصلوات، حديث:1291، وأحمد:1 /280، 340، 355.»
تشریح:
اس حدیث کی رو سے عید گاہ میں سوائے دو رکعت نماز عید کے اور کوئی نماز پہلے یا بعد میں پڑھنا نبی صلی اللہ علیہ وسلم سے ثابت نہیں‘ البتہ جب واپس گھر تشریف لاتے تو دو رکعتیں پڑھتے تھے جیسا کہ آگے آرہا ہے۔
بلوغ المرام شرح از صفی الرحمن مبارکپوری، حدیث\صفحہ نمبر: 391
مولانا داود راز رحمه الله، فوائد و مسائل، تحت الحديث صحيح بخاري: 1431
1431. حضرت ابن عباس ؓ سے روایت ہے، انھوں نے فرمایا:نبی کریم ﷺ عیدکے دن باہر تشریف لائے دو رکعت نماز پڑھائی جبکہ اس کے پہلے اور بعد کوئی نماز نہ پڑھی، پھر آپ نے عورتوں کی طرف توجہ دلائی، حضرت بلال ؓ آپ کے ہمراہ تھے، چنانچہ آپ نے عورتوں کو وعظ ونصیحت فرمائی اورانھیں صدقہ دینے کا حکم دیا تو عورتوں نے اپنے کنگن اور بالیاں (حضرت بلال ؓ کے کپڑے میں) ڈالنی شروع کردیں۔ [صحيح بخاري، حديث نمبر:1431]
حدیث حاشیہ:
باب کی مطابقت ظاہر ہے، کیونکہ آنحضرت ﷺ نے عورتوں کو خیرات کرنے کے لیے رغبت دلائی۔
اس سے صدقہ اور خیرات کی اہمیت پر بھی اشارہ ہے۔
حدیث میں آیا ہے کہ صدقہ اللہ پاک کے غضب اور غصہ کو بجھا دیتا ہے۔
قرآن پاک میں جگہ جگہ انفاق فی سبیل اللہ کے لیے ترغیبات موجود ہیں۔
فی سبیل اللہ کا مفہوم بہت عام ہے۔
صحیح بخاری شرح از مولانا داود راز، حدیث\صفحہ نمبر: 1431
الشيخ حافط عبدالستار الحماد حفظ الله، فوائد و مسائل، تحت الحديث صحيح بخاري:1431
1431. حضرت ابن عباس ؓ سے روایت ہے، انھوں نے فرمایا:نبی کریم ﷺ عیدکے دن باہر تشریف لائے دو رکعت نماز پڑھائی جبکہ اس کے پہلے اور بعد کوئی نماز نہ پڑھی، پھر آپ نے عورتوں کی طرف توجہ دلائی، حضرت بلال ؓ آپ کے ہمراہ تھے، چنانچہ آپ نے عورتوں کو وعظ ونصیحت فرمائی اورانھیں صدقہ دینے کا حکم دیا تو عورتوں نے اپنے کنگن اور بالیاں (حضرت بلال ؓ کے کپڑے میں) ڈالنی شروع کردیں۔ [صحيح بخاري، حديث نمبر:1431]
حدیث حاشیہ:
(1)
رسول اللہ ﷺ نے وعظ و نصیحت کے ذریعے سے صدقہ و خیرات کرنے کی رغبت دلائی اور انہیں اس پر آمادہ کیا، پھر انہیں صدقہ کرنے کا حکم دیا۔
(2)
اس سے سفارش کرنے کا مفہوم بھی معلوم ہوتا ہے۔
(3)
اس حدیث میں صدقہ و خیرات کی اہمیت کا اشارہ بھی موجود ہے۔
قرآن مجید میں متعدد مقامات پر انفاق فی سبیل اللہ کے متعلق ترغیبات موجود ہیں۔
ترغیب اور سفارش سے محتاج کے دل کو تسلی ہو جاتی ہے، نیز سفارش ہمیشہ اچھے کام میں ہوتی ہے اور بعض اوقات ترغیب میں سفارش کا پہلو نہیں ہوتا۔
(فتح الباري: 378/3)
هداية القاري شرح صحيح بخاري، اردو، حدیث\صفحہ نمبر: 1431