عبیداللہ کے والد معاذ نے ہمیں حدیث بیان کی، کہا: ہمیں شعبہ نے عمرہ بن مرہ سے حدیث سنائی، کہا: مجھے حضرت عبداللہ بن ابی اوفیٰ رضی اللہ عنہ نے حدیث بیان کی کہ اصحاب شجرہ تیرہ سو تھے اور قبیلہ اسلم کے لوگ مہاجرین کا آٹھواں حصہ تھے۔ (انہوں نے یہ تعداد اندازے سے بتائی
حضرت عبداللہ بن ابی اوفی رضی اللہ تعالی عنہ بیان کرتے ہیں، کہ اصحاب شجرہ تیرہ سو (1300) تھے، (میرا قبیلہ) اسلم، مہاجرین کا آٹھواں حصہ تھا۔
الشيخ الحديث مولانا عبدالعزيز علوي حفظ الله، فوائد و مسائل، تحت الحديث ، صحيح مسلم: 4815
حدیث حاشیہ: فوائد ومسائل: بیعت رضوان یا اصحاب شجرہ کی تعداد چودہ سو (1400) تھی، جیسا کہ خیبر کے حصوں کی تقسیم سے معلوم ہوتا ہے، لیکن چونکہ ان کو گنا نہیں گیا تھا، اس لیے اندازہ لگاتے ہوئے، عام طور پر حضرت جابر رضی اللہ عنہ نے چودہ سو کہا اور بعض دفعہ پندرہ سو کہہ دیا اور حضرت عبداللہ بن اپنے اندازہ کے مطابق تیرہ سو کہہ دیا، یہ اپنے اپنے اندازے کا اختلاف ہے، کیونکہ اندازے میں کمی و بیشی ہو جاتی ہے۔
