صحيح مسلم, حدیث نمبر 1032, باب: صبح کی نماز میں قرأت۔

الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔

روٹ ورڈز - الفاظ وضاحت - سورہ فہرست - لفظ بہ لفظ ترجمہ - مترادفات

صحيح مسلم

كِتَاب الصَّلَاةِ

نماز کے احکام و مسائل

35. باب الْقِرَاءَةِ فِي الصُّبْحِ:

35. باب: صبح کی نماز میں قرأت۔

اس باب میں 15 احادیث آئی ہیں، باب سے متعلقہ تمام احادیث دیکھیں۔

حدیث نمبر: 1032

Save to word اعراب

وحدثنا ابو كريب ، حدثنا وكيع ، عن سفيان ، عن خالد الحذاء ، عن ابي المنهال ، عن ابي برزة الاسلمي ، قال: " كان رسول الله صلى الله عليه وسلم، يقرا في الفجر، ما بين الستين إلى المائة آية ".

پروفیسر سلطان محمود جلالپوری
مولانا عبد العزیز علوی

تیمی کے بجائے) خالد حذاء نے ابو منہال سے، انہوں نے حضرت ابو برزہ اسلمی رضی اللہ عنہ سے روایت کی کہ رسول اللہ صلی اللہ علیہ وسلم فجر کی نماز میں ساٹھ سے سو تک آیتیں پڑھا کرتے تھے۔

حضرت ابو برزہ رضی اللہ تعالی عنہ سے روایت ہے کہ رسول اللہ صلی اللہ علیہ وسلم صبح کی نماز میں ساٹھ سے سو آیات تک پڑھا کرتے تھے۔

ترقیم فوادعبدالباقی: 461

● صحيح البخاري	541	نضلة بن عبيد	يصلي الصبح وأحدنا يعرف جليسه ويقرأ فيها ما بين الستين إلى المائة يصلي الظهر إذا زالت الشمس العصر وأحدنا يذهب إلى أقصى المدينة يرجع والشمس حية لا يبالي بتأخير العشاء إلى ثلث الليل ثم قال إلى شطر الليل
● صحيح مسلم	1032	نضلة بن عبيد	يقرأ في الفجر ما بين الستين إلى المائة آية
● صحيح مسلم	1031	نضلة بن عبيد	يقرأ في صلاة الغداة من الستين إلى المائة
● صحيح مسلم	1462	نضلة بن عبيد	يصلي الصبح فينصرف الرجل فينظر إلى وجه جليسه الذي يعرف فيعرفه قال وكان يقرأ فيها بالستين إلى المائة
● سنن النسائى الصغرى	949	نضلة بن عبيد	يقرأ في صلاة الغداة بالستين إلى المائة
● سنن ابن ماجه	818	نضلة بن عبيد	يقرأ في الفجر ما بين الستين إلى المائة

صحیح مسلم کی حدیث نمبر 1032 کے فوائد و مسائل

شیخ الحدیث مولانا عبد العزیز علوی حفظ اللہ

الشيخ الحديث مولانا عبدالعزيز علوي حفظ الله، فوائد و مسائل، تحت الحديث ، صحيح مسلم: 1032

حدیث حاشیہ:
فوائد ومسائل:
حضور اکرم صلی اللہ علیہ وسلم سو آیات تک کبھی ایک رکعت میں پڑھتے اور کبھی دونوں میں اور بعض دفعہ آپﷺ نے موقع ومحل کی مناسبت سے اس سے کم قراءت بھی کی ہے اور زیادہ بھی۔

تحفۃ المسلم شرح صحیح مسلم، حدیث/صفحہ نمبر: 1032

تخریج الحدیث کے تحت دیگر کتب سے حدیث کے فوائد و مسائل

الشیخ حافظ محمد امین حفظ اللہ

مولانا عطا اللہ ساجد حفظ اللہ

شیخ الحدیث مولانا عبد العزیز علوی حفظ اللہ

الشیخ عبدالستار الحماد حفظ اللہ

فوائد ومسائل از الشيخ حافظ محمد امين حفظ الله سنن نسائي تحت الحديث 949

´نماز فجر میں ساٹھ سے سو آیتوں تک پڑھنے کا بیان۔`
ابوبرزہ رضی اللہ عنہ سے روایت ہے کہ رسول اللہ صلی اللہ علیہ وسلم فجر میں ساٹھ سے سو آیتوں تک پڑھتے تھے۔ [سنن نسائي/كتاب الافتتاح/حدیث: 949]

949 ۔ اردو حاشیہ: صبح کی نماز میں باقی نمازوں کی نسبت لمبی قرأت مسنون ہے۔ شاید اسی بنا پر اس کی رکعات سب نمازوں سے کم ہیں، البتہ قرأت کی طوالت مقتدیوں کے احوال پر موقوف ہے۔ ساٹھ سے لے کر سو تک کے الفاظ بھی یہی مفہوم سمجھاتے ہیں۔

سنن نسائی ترجمہ و فوائد از الشیخ حافظ محمد امین حفظ اللہ، حدیث/صفحہ نمبر: 949

مولانا عطا الله ساجد حفظ الله، فوائد و مسائل، سنن ابن ماجه، تحت الحديث818

´فجر میں پڑھی جانے والی سورتوں کا بیان۔`
ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم فجر کی نماز میں ساٹھ (۶۰) آیات سے سو (۱۰۰) آیات تک پڑھا کرتے تھے۔ [سنن ابن ماجه/كتاب إقامة الصلاة والسنة/حدیث: 818]

اردو حاشہ:
فوائد و مسائل:
(1)
یہ ایک عمومی اندازہ ہے۔
یہ مطلب نہیں کہ اس سے کم یا زیادہ مقدار جائز نہیں۔
آیتیں لمبی ہوں تو ساٹھ آیات پڑھ لی جایئں۔
مثلا سورہ سجدہ اور سورہ ملک دونوں میں تیس تیس آیات ہیں۔
تو دو رکعتوں میں دو سورتیں پڑھنے سے ساٹھ آیات ہوجایئں گی۔
اور مختصرآیات والی سورتوں میں سے سو آیات تلاوت کرلی جایئں، مثلا سورہ واقعہ دونوں رکعتوں میں تقسیم کرکے پڑھ لی جائے۔
جس کی چھیانوے آیات ہیں۔
اگر آیات زیادہ لمبی ہوں جیسے سورہ بقرة وغیرہ میں تو تعداد اس س بھی کم ہوسکتی ہے۔
جس قدر تلاوت آسانی سے ہوسکے اور مقتدی آسانی سے سن سکیں جائز ہے۔

سنن ابن ماجہ شرح از مولانا عطا الله ساجد، حدیث/صفحہ نمبر: 818

الشيخ الحديث مولانا عبدالعزيز علوي حفظ الله، فوائد و مسائل، تحت الحديث ، صحيح مسلم: 1462

سیار بن سلامہ رحمتہ اللہ علیہ کہتے ہیں کہ میں نے اپنے باپ کو حضرت ابو برزہ اسلمی رضی اللہ تعالیٰ عنہ سے رسول اللہ ﷺ کی نماز کے بارے میں پوچھتے ہوئے سنا، شعبہ نے پوچھا، کیا تو نے خود سنا؟ اس نے کہا: گویا کہ میں ابھی سن رہا ہوں، اس نے کہا، میں نے اپنے باپ کو ان سے رسول اللہ ﷺ کی نماز کے بارے میں سوال کرتے ہوئے سنا تو انہوں نے بتایا کہ آپﷺ عشاء کی نماز کو آدھی رات تک مؤخر کرنے کی پرواہ نہیں کرتے تھے اور نماز سے پہلے سونے اور... (مکمل حدیث اس نمبر پر دیکھیں) [صحيح مسلم، حديث نمبر:1462]

حدیث حاشیہ:
فوائد ومسائل:
عشاء کی نماز سے پہلے اس طرح سونا کہ نماز باجماعت نکل جائے یا اس کا وقت مختار نکل جائے جائز نہیں لیکن اگر انسان بیدار ہو کر جماعت کے ساتھ مل سکے یا کسی کسی مجبوری کی بنا پر انفرادی طور پر پڑھنی ہو تو وقت مختار میں پڑھ لے تو پھر اس میں کوئی حرج نہیں ہے اسی طرح عشاء کے بعد کسی دینی و دنیوی ضروری گفتگو میں مشغول ہو جائے اور اس کے معلولات تہجد یا کم ازکم فجر کی نماز متاثر نہ ہو تو اس میں بھی کوئی حرج نہیں لیکن فضول اور بلا مقصد گفتگو یا ناول اور افسانہ کا مطالعہ ٹی وی دیکھنا جن سے عشاء کی نماز بھی فوت ہو جاتی ہے درست نہیں ہے۔

تحفۃ المسلم شرح صحیح مسلم، حدیث/صفحہ نمبر: 1462

الشيخ حافط عبدالستار الحماد حفظ الله، فوائد و مسائل، تحت الحديث صحيح بخاري:541

541. حضرت ابوبرزہ ؓ سے روایت ہے کہ نبی ﷺ نماز فجر ایسے وقت میں پڑھتے کہ آدمی اپنے ہم نشین کو پہچان لیتا۔ اور آپ نماز میں ساٹھ سے سو تک آیات تلاوت فرماتے تھے۔ اور نماز ظہر اس وقت ادا کرتے جب آفتاب ڈھل جاتا اور نماز عصر ایسے وقت پڑھتے کہ اس سے فراغت کے بعد ہم میں سے کوئی مدینے کے آخری کنارے پر واقع اپنی اقامت گاہ میں واپس چلا جاتا لیکن سورج کی دھوپ ابھی تیز ہوتی۔ (راوی نے کہا کہ) حضرت ابوبرزہ نے مغرب کے متعلق جو فرمایا، وہ میں بھول گیا ہوں، نیز تہائی رات تک نماز عشاء کی تاخیر میں آپ کو کوئی پرواہ نہ ہوتی۔ پھر راوی نے کہا: نصف رات تک مؤخر کرنے میں کوئی پروا نہیں کرتے تھے۔ معاذ کے بیان کے مطابق شعبہ نے کہا: پھر میں اس (ابومنہال) سے ملا تو انہوں نے کہا: (نصف یا) تہائی رات تک مؤخر کرنے میں کوئی پروا نہ کرتے تھے۔ [صحيح بخاري، حديث نمبر:541]

حدیث حاشیہ:
(1)
اس روایت سے امام بخاری ؒ کا اصل مقصود نماز ظہر کا اول وقت بیان کرنا ہے کہ نماز ظہر کا وقت زوال آفتاب کے بعد شروع ہوجاتا ہے بلکہ رسول اللہ ﷺ زوال آفتاب کے بعد فورا نماز ظہر پڑھ لیتے۔
مذکورہ رویت میں سردی اور گرمی کے موسم کا فرق بھی بیان نہیں ہوا۔
دوسری روایت سے معلوم ہوتا ہے کہ گرمی کی شدت میں نماز ظہر کو اول وقت کے بجائے اسے ٹھنڈا کرکے ادا کرتے۔
روایت کے مطابق نماز مغرب کے متعلق راوی بھول گیا کہ کس وقت ادا کرتے؟ اس کی وضاحت حضرت جابر بن عبدالله ؓ کرتے ہیں کہ جب سورج غروب ہوجاتا تو نماز مغرب پڑھی جاتی۔
(صحیح البخاری، مواقیت الصلاة، حدیث: 560) (2)
نماز فجر میں اسفار، یعنی اس قدر روشنی کہ ایک دوسرے کو پہچانا جا سکے۔
ایسا سلام پھیرنے کے بعد ہوتا تھا۔
جیسا کہ متعدد روایات سے معلوم ہوتا ہے، چنانچہ ایک روایت میں ہے کہ جب ہم صبح کی نماز سے سلام پھیر کر فارغ ہوتے تو جان پہچان والے کو دیکھتے اور اس کے چہرے سے پہچان لیتے۔
(صحیح مسلم، المساجد، حدیث 1462(647)
جب سلام پھیرنے پر بمشکل اتنی ہی روشنی ہوتی تھی کہ قریب بیٹھا ہوا ساتھی ہی پہچانا جا سکے اور آپ قراءت بھی ساٹھ سے سو آیات تک کرتے تھے تو یقینا نماز کا آغاز غلس، یعنی منہ اندھیرے میں ہواکرتا تھا۔
وهو المقصود (3)
امام کرمانی ؒ فرماتے ہیں:
اس حدیث سے معلوم ہوتا ہے کہ نماز عشاء کاوقت تہائی یا نصف رات تک ہے جبکہ دوسری احادیث سے معلوم ہوتا ہے کہ صبح کی نماز سے پہلے پہلے عشاء کی نماز پڑھی جا سکتی ہے، چنانچہ رسول اللہ ﷺ نے فرمایا:
”سونے میں کوتاہی نہیں بلکہ کوتاہی کامرتکب وہ شخص ہے جس نے دوسری نماز کا وقت شروع ہونے تک نماز نہ پڑھی۔
“ ان احادیث میں کوئی تعارض نہیں، کیونکہ مذکورہ حدیث میں نماز عشاء کا مستحب اور افضل وقت بتایا گیا ہے کہ وہ ایک تہائی یا نصف رات تک ہے۔
(شرح الکرماني: 190/4)
(4)
نماز عشاء کے بارے میں وضاحت ہے کہ اس کے متعلق پروا نہیں کی جاتی تھی کہ ایک تہائی رات کے بعد پڑھی جائے یا نصف شب تک ادا کی جائے؟ دراصل نمازیوں کو دیکھا جاتا تھا اگر وہ جلدی نماز کے لیے جمع ہوجاتے تو اسے جلدی ادا کرلیا جاتا اور اگر کسی وجہ سے وہ دیر سے آتے تو نماز عشاء کو نصف رات تک مؤخر کردیا جاتا، جیسا کہ احادیث میں رسول اللہ ﷺ کا یہ اسوۂ مبارکہ منقول ہواہے۔
(صحیح البخاري، مواقیت الصلاة، حدیث: 565.)
نماز عشاء کے آخری وقت کے تعین کی وضاحت آئندہ ہوگی۔

هداية القاري شرح صحيح بخاري، اردو، حدیث/صفحہ نمبر: 541

1029 1030 103110321033 1034 1035

http://islamicurdubooks.com/ 2005-2023 islamicurdubooks@gmail.com No Copyright Notice.
Please feel free to download and use them as you would like.
Acknowledgement / a link to www.islamicurdubooks.com will be appreciated.