حدیث حاشیہ:
چنانچہ آپ نے حجۃ الوداع کے موقع پر مسلمانوں سے اس بارے میں تصدیق چاہی تھی اور مسلمانوں نے بالاتفاق کہا تھا کہ بے شک آپ نے اپنے تبلیغی فرض کو پورے طور پر ادا فرما دیا۔
(صلی اللہ علیه وسلم)

حدیث حاشیہ:
1۔
حضرت عائشہ ؓ سے مروی ایک حدیث سے مذکورہ حدیث کی مزید وضاحت ہوتی ہے آپ فرماتی ہیں کہ اگر رسول اللہ ﷺ کسی آیت کو لوگوں سے چھپانا چاہتے تو اس آیت کو چھپاتے۔
"اور آپ اپنے دل میں وہ بات چھپائے ہوئے تھے جسے اللہ تعالیٰ ظاہر کرنے والا تھا۔
اور آپ لوگوں سے خوف کھاتے تھے حالانکہ اللہ تعالیٰ اس کا زیادہ حق دار تھا کہ آپ اس سے ڈرتے۔
"(الأحزاب: 33۔
37)
لیکن آپ نے اس آیت کو بھی نہیں چھپایا۔
(صحیح مسلم، الإیمان، حدیث: 440(177)
2۔
اس طرح کی ایک حدیث حضرت انس ؓ سے بھی مروی ہے۔
(صحیح البخاري، التوحید، حدیث: 7420)
بہرحال رسول اللہ ﷺ نے پوری ذمے داری سے فریضہ تبلیغ رسالت سر انجام دیا۔
پھر آپ نے زندگی کے آخری دور میں ہزاروں صحابہ کرام رضوان اللہ عنھم اجمعین سے گواہی لی۔
جب انھوں نے اثبات میں جواب دیا تو آپ نے بآواز بلند فرمایا:
"یا اللہ! تو اس پر گواہ رہنا۔
" (صحیح مسلم، الحج، حدیث: 2950۔
(1218)

تخريج الحديث:
[112۔ البخاري فى: 59 كتاب بدي الخلق: 7 باب إذا قال أحدكم آمين۔۔۔۔ 3234]

فھم الحدیث:
ان احادیث سے معلوم ہوا کہ شب معراج نبی صلی اللہ علیہ وسلم نے اللہ تعالیٰ کو نہیں دیکھا۔ ایک اور روایت میں ہے کہ جب نبی صلی اللہ علیہ وسلم سے شب معراج اللہ کو دیکھنے کے متعلق پوچھا گیا تو آپ صلی اللہ علیہ وسلم نے فرمایا: ”وہ تو نور ہے (یا نور کے پردے میں ہے) میں اسے کیسے دیکھ سکتا ہوں؟“ [مسلم: كتاب الايمان 178]
سابق مفتی اعظم سعودیہ شیخ ابن باز رحمہ اللہ نے بھی یہی فتویٰ دیا ہے کہ نبی کریم صلی اللہ علیہ وسلم نے دینا میں بیداری کی حالت میں کبھی بھی اللہ تعالیٰ کو نہیں دیکھا۔ [مجموع فتاويٰ ابن باز 27/ 118]

اردو حاشہ:
وضاحت:
1؎:
بے شک محمد نے اسے تو ایک مرتبہ اور بھی دیکھا تھا (النجم: 13)

2؎:
بے شک انہوں نے اسے آسمان کے روشن کنارے پر دیکھا (التکویر: 23)

3؎:
جو چیز اللہ کی جانب سے تم پر اتاری گئی ہے اسے لوگوں تک پہنچا دو (النساء: 67)

حدیث حاشیہ:
مفردات الحدیث:
:
(1)
الْفِرْيَةَ:
جمع فَرِي من گھڑت بات،
جھوٹ۔
(2)
أَنْظِرِينِي:
انظار سے ہے،
مہلت دینا،
ڈھیل دینا،
مجھے مہلت دیجئے۔
(3)
سَادًّا:
سد سے ہے روکنا،
بند کر دینا۔
(4)
عُِظَْمُ:
عین پر پیش اور ظاء ساکن ہے یا عین پر زیر اور ظاء پر زبر ہے،
بڑائی جسامت کے اعتبار سے۔
فوائد ومسائل:
(1)
اس حدیث سے ثابت ہوا کہ اللہ تعالیٰ کے لیے "قَالَ" ”اس نے فرمایا“ اسی طرح "اللہُ یَقُوْلُ" ”اللہ فرماتا ہے“ کہنا درست ہے۔
خود قرآن مجید میں ہے ﴿وَاللَّـهُ يَقُولُ الْحَقَّ﴾ ”وہ حق فرماتا ہے۔
“ (الأحزاب: 5) (2)
غیب کا علم،
اللہ تعالیٰ کے ساتھ خاص ہے،
اس کے سوا کوئی رسول،
فرشتہ،
ولی اور صالح انسان غیب نہیں جانتا،
بعض نے اس آیت کے ترجمے میں بریکٹ کےاندر لکھا ہے (بالذات یعنی اللہ تعالیٰ کے بتلائے بغیر) (شرح صحیح مسلم: 1/775)
،
سوال یہ ہے کہ جب اللہ تعالیٰ نے بتلا دیا تو وہ غیب کہاں رہا۔
(3)
رسول اللہ ﷺ نے پورے کا پورا مکمل قرآن امت تک پہنچا دیا ہے،
کیونکہ اگر آپ اس میں کسی قسم کی کوتاہی کرتے،
تویہ فریضہ رسالت کی ادائیگی میں کوتاہی ہوئی،
اس لیے شیعہ کا یہ دعویٰ ہے،
کہ موجودہ قرآن اصل سے کم ہے۔
یہ ایک بہتان اور افترا ہے جو ایمان کے منافی ہے۔
(4)
حضرت عبداللہ بن مسعودؓ کی طرح حضرت عائشہؓ کی رائے بھی یہی ہے کہ حضور اکرم ﷺ کو معراج میں اللہ کا دیدار نہیں ہوا۔
(اس مسئلہ پر بحث ہم آگے کریں گے)
۔

حدیث حاشیہ:
اس تفصیل سے اسی کو ترجیح حاصل ہوئی کہ آپ نے شب معراج میں ان آنکھوں سے اللہ کو نہیں دیکھا۔
واللہ اعلم حضرت عائشہ رضی اللہ عنہا کا نفی کرنا حیات دنیاوی سے متعلق ہے آخرت میں مومنوں کا دیدارالٰہی ضرور ہوگا اس کا انکار مراد نہیں ہے۔
آیت میں عام طو ر پر ہر نفس مراد ہے کہ وہ نہیں جانتا کہ کل کیا ہونے والا ہے اس سے آنحضرت صلی اللہ علیہ وسلم کے لئے بھی غیب دانی کی نفی ثابت ہوتی ہے دوسری آیت میں بصراحت مذکور ہے ﴿قُلْ لَا يَعْلَمُ مَنْ فِي السَّمَاوَاتِ وَالْأَرْضِ الْغَيْبَ إِلَّا اللَّهُ﴾ (النمل: 65)
اب غور طلب چیز یہ ہے جب کل کی خبر آنحضرت صلی اللہ علیہ وسلم کوبھی حاصل نہیں ہے تو دوسرے ولی یا بزرگ یا پیر فقیر وشہید کس گنتی اورشمار میں ہیں۔
یہ بات الگ ہے کہ اللہ پاک اپنے کسی بندے کو وحی یا الہام کے ذریعہ سے کل کی کسی بات پر آگاہ فرما دے اس سے اس بندے کا عالم الغیب ہونا ثابت نہیں ہو سکتا جو اہل بدعت خود ساختہ مرشدوں کو غیب داں جانتے ہیں ان کے مشرک ہونے میں کوئی شک نہیں ہے وہ اشراک فی العلم کے مرتکب ہیں اور اللہ کے ہاں ان کا نام مشرکوں کے دفتر میں لکھا گیا خواہ وہ دنیا میں کتنے ہی اسلام کا دعویٰ کریں اور اپنے آپ کو مسلمان ومومن سمجھیں قرآن پاک کی ایک آیت میں ایسے ہی لوگوں کا ذکر ہے ﴿وَمَا يُؤْمِنُ أَكْثَرُهُمْ بِاللَّهِ إِلَّا وَهُمْ مُشْرِكُونَ﴾ (یوسف: 106)
یعنی کتنے ایمان کے دعویدار اللہ کے نزدیک مشرک ہیں خود فقہائے احناف نے صراحت کی ہے کہ غیر اللہ کو غیب داں جاننا کفر ہے۔
اسی طرح جو کوئی اللہ کے ساتھ اس کے رسول کو بھی غیب داں جان کر گواہ بنا دے وہ بھی مشرک ہو جاتا ہے بہر حال ایسے مشرکانہ عقائد سے ہر موحد مسلمان کو بالکل دور رہنا چاہئے۔
وباللہ التوفیق۔

حدیث حاشیہ:
سچ ہے علم غیبی کس نمی داند بجز پروردگار گر کسے دعویٰ کند ہر گزازو باور مدار جو غالی لوگ رسول کریم صلی اللہ علیہ وسلم کے لیے علم غیب ثابت کرتے ہیں وہ قرآن مجید کی تحریف کرتے ہیں اور از خود ایک غلط عقیدہ گھڑتے ہیں۔
لوگوں کو ایسے خناس لوگوں سے دور رہ کر اپنے دین وایمان کی حفاظت کرنی چاہئیے۔
رسول کریم صلی اللہ علیہ وسلم نے جو بھی غائبانہ خبر دی ہیں وہ سب وحی الٰہی سے ہیں۔
ان کو غیب کہنا لوگوں کو دھوکا دینا ہے۔

حدیث حاشیہ:
1۔
احادیث میں اس حدیث کا سبب بیان ہوا ہے کہ کعب احبار نے حضرت ابن عباس رضی اللہ تعالیٰ عنہ سے عرفہ میں ملاقات کی اور ان سے کچھ سوالات کیے پھر اتنے زور سے اللہ اکبر کہا کہ پہاڑ گونج اٹھا پھر اس نے کہا کہ اللہ تعالیٰ نے اپنی رؤیت اورگفتگو کو تقسیم کردیا ہے کیونکہ اپنے کلام سے حضرت موسیٰ علیہ السلام کو شرف یاب کیا جبکہ دیدار سے حضرت محمد صلی اللہ علیہ وسلم مشرف ہوئے۔
حضرت موسیٰ علیہ السلام نے دو مرتبہ اپنے رب سے کلام کیا اور حضرت محمد صلی اللہ علیہ وسلم نے دو مرتبہ اپنے رب کو دیکھا۔
حضرت مسروق کہتے ہیں کہ میں سیدہ عائشہ رضی اللہ تعالیٰ عنہا کے پاس گیا اور اس گفتگو کا ذکر کیا اور پوچھا کیا حضرت محمد صلی اللہ علیہ وسلم نے اپنے پروردگار کو دیکھا ہے؟ تو حضرت عائشہ رضی اللہ تعالیٰ عنہا نے وہی جواب دیا جو حدیث میں مذکورہے۔
(جامع الترمذي، تفسیر القرآن، حدیث: 3278)
2۔
بہر حال حضرت عائشہ رضی اللہ تعالیٰ عنہا نے اس بات کی پرزور تردید کی کہ رسول اللہ صلی اللہ علیہ وسلم نے شب معراج میں اللہ تعالیٰ کو دیکھا تھا اس انکار کی بنیاد صرف آیات سے استنباط ہی پر نہیں بلکہ مرفوع حدیث ہے چنانچہ جب مسروق نے اس سلسلے میں حسب ذیل دو آیات کا حوالہ دیا۔
﴿وَلَقَدْ رَآهُ بِالْأُفُقِ الْمُبِينِ﴾ (التکویر81۔
23)
اور ﴿وَلَقَدْ رَآهُ نَزْلَةً أُخْرَىٰ﴾ (النجم: 53۔
13)
حضرت عائشہ رضی اللہ تعالیٰ عنہا نے فرمایا:
میں نے اس امت میں سب سے پہلے اس بارے میں رسول اللہ صلی اللہ علیہ وسلم سے سوال کیا تو آپ نے فرمایا:
”اس سے مراد حضرت جبرئیل ہیں۔
میں نے انھیں اصلی صورت میں صرف دو مرتبہ دیکھا ہے میں نے انھیں آسمان سے اترتے ہوئے دیکھا جبکہ ان کی جسامت نے زمین نے زمین وآسمان کے کناروں کو ڈھانپ رکھا تھا۔
“ اس کے بعد حضرت عائشہ رضی اللہ تعالیٰ عنہا نے ان دو آیات کا حوالہ دیا جو حدیث بخاری میں موجود ہیں۔
(صحیح مسلم، الإیمان، حدیث: 439(177)
ایک روایت میں صراحت ہے حضرت ابن عباس رضی اللہ تعالیٰ عنہ فرماتے ہیں کہ رسول اللہ صلی اللہ علیہ وسلم نے اپنے پروردگار کو اپنے دل سے دیکھا تھا۔
(صحیح مسلم، الإیمان، حدیث: 436(176)
اس وضاحت سے معلوم ہوا کہ حضرت عائشہ رضی اللہ تعالیٰ عنہا رؤیت بسری یعنی آنکھ سے دیکھنے کا انکار کرتی ہیں جبکہ حضرت ابن عباس رضی اللہ تعالیٰ عنہ کا اقرار رؤیت قلبی یعنی دل سے دیکھنے سے متعلق ہے ان دونوں میں کوئی منافات نہیں ہے۔
3۔
یاد رہے کہ حضرت عائشہ رضی اللہ تعالیٰ عنہا اس عالم رنگ و بو میں رؤیت باری تعالیٰ کا انکار کرتی ہیں البتہ آخرت میں اہل ایمان دیدار الٰہی سے ضرور شرف یاب ہوں گے جیسا کہ قرآنی آیات اور احادیث سے ثابت ہے۔
واللہ اعلم۔

حدیث حاشیہ:
1۔
اس حدیث کا سبب ورود یہ ہے کہ ایک دفعہ حضرت ابن عباس رضی اللہ تعالیٰ عنہ کعب احبار سے ملے تو آپ نے ان سے فرمایا:
ہم بنو ہاشم کہتے ہیں کہ رسول اللہ صلی اللہ علیہ وسلم نے اپنے رب کو دو مرتبہ دیکھا ہے۔
یہ بات سن کر کعب احبار نے نعرہ تکبیر بلند کرتے ہوئے کہا کہ اللہ تعالیٰ نے اپنا شرف ودیدار اوراعزاز گفتگو حضرت موسیٰ علیہ السلام اور حضرت محمد صلی اللہ علیہ وسلم کے درمیان تقسیم کر دیا ہے۔
حضرت موسیٰ علیہ السلام سے اللہ تعالیٰ دو دفعہ ہم کلام ہوا ہے اور حضر محمد صلی اللہ علیہ وسلم نے دو دفعہ اللہ تعالیٰ کا دیدار کرنے کا شرف حاصل کیا ہے۔
حضرت مسروق کہتے ہیں کہ میں حضرت عائشہ رضی اللہ تعالیٰ عنہا کے پاس آیا اور عرض کی:
کیا رسول اللہ صلی اللہ علیہ وسلم نے اپنے رب کو دیکھاہے؟ تو انھوں نے مذکورہ حدیث بیان فرمائی۔
(جامع الترمذي، تفسیر القرآن، حدیث: 3278)
2۔
امام نووی رحمۃ اللہ علیہ فرماتے ہیں کہ حضرت عائشہ رضی اللہ تعالیٰ عنہا نے رسول اللہ صلی اللہ علیہ وسلم کے اللہ تعالیٰ کو دیکھنے کا انکار کسی مرفوع حدیث کی بنیاد پر نہیں کیا۔
اس سلسلے میں انھوں نے صرف اجتہاد پر اکتفا کیا ہے جبکہ صحابہ کرام رضوان اللہ عنھم اجمعین سے اس کے خلاف موقف منقول ہے۔
جب کوئی صحابی بات کہے اور دوسرا مخالفت کرے تو بالاتفاق حجت نہیں ہوتی۔
امام نووی رحمۃ اللہ علیہ پر تعجب ہوتا ہے کہ انھوں نے حضرت عائشہ رضی اللہ تعالیٰ عنہا کے متعلق ایسی بات کیوں کہی، حالانکہ صحیح مسلم میں صراحت ہے کہ حضرت عائشہ رضی اللہ تعالیٰ عنہا کی حدیث سن کر حضرت مسروق نے کہا کہ اللہ تعالیٰ کا ارشاد ہے:
”اور اس نے اس روشن افق پر دیکھا ہے۔
“ (التکویر 23)
نیز فرمایا:
”ایک مرتبہ اور بھی اس نے اسے دیکھا۔
“ (النجم 13/53)
حضرت عائشہ رضی اللہ تعالیٰ عنہا نے فرمایا:
میں نے رسول اللہ صلی اللہ علیہ وسلم سے اس کے متعلق پوچھا تو آپ صلی اللہ علیہ وسلم نے فرمایا تھا کہ اس سے مراد جبرئیل علیہ السلام ہیں۔
(صحیح مسلم، الإیمان، حدیث: 439(177)
صحیح مسلم کی سند کے ساتھ ابن مردودیہ نے مزید نقل کیا ہے کہ حضرت عائشہ رضی اللہ تعالیٰ عنہا نے فرمایا:
میں نے سب سے پہلے اس کے متعلق رسول اللہ صلی اللہ علیہ وسلم سے پوچھا:
کیا آپ نے اپنے رب کو دیکھا تھا؟ آپ صلی اللہ علیہ وسلم نے فرمایا:
”نہیں، میں نے تو حضرت جبرئیل علیہ السلام کو اترتے ہوئے دیکھا۔
“ (شرح کتاب التوحید للغنیمان: 116/1)
حضرت ابوزر رضی اللہ تعالیٰ عنہ کہتے ہیں کہ میں نے رسول اللہ صلی اللہ علیہ وسلم سے پوچھا:
کیا آپ نے اللہ تعالیٰ کو دیکھا ہے؟ تو آپ صلی اللہ علیہ وسلم نے جواب دیا:
”وہ تو نور ہے میں اسے کیسے دیکھ سکتا ہوں۔
“ (صحیح مسلم، الإیمان، حدیث: 443(178)
سیدنا ابن عباس رضی اللہ تعالیٰ عنہ سے روایت ہے کہ آپ نے یہ آیت پڑھی:
”آپ نے جو دیکھا دل نے اس کی تکذیب نہیں کی۔
“ (النجم11/53)
مزید فرمایا:
”رسول اللہ صلی اللہ علیہ وسلم نے اللہ تعالیٰ کو اپنے دل کی آنکھ سے دیکھا تھا۔
“ (جامع الترمذي، تفسیرالقرآن، حدیث: 3281)
ہمارے رجحان کے مطابق سیدنا ابن عباس رضی اللہ تعالیٰ عنہ کی اس صراحت کے بعد وجہ اختلاف از خود ختم ہو جاتی ہے۔
حضرت عائشہ رضی اللہ تعالیٰ عنہا کا موقف ہی مبنی برحقیقت معلوم ہوتا ہے کیونکہ قرآن کریم میں یہ وضاحت ہے کہ کوئی شخص اللہ تعالیٰ کو (اس دنیا میں)
ان ظاہری آنکھوں سے نہیں دیکھ سکتا، البتہ عالمِ آخرت میں اہل جنت اپنے رب کےدیدار سے ضرور فیض یاب ہوں گے۔
ارشاد باری تعالیٰ ہے:
”قیامت کے دن بہت سے چہرے تروتازہ ہوں گے اور اپنے رب کو دیکھتے ہوں گے۔
“ (القیامة: 23/75)
احادیث میں ہے کہ اللہ تعالیٰ کا دیدار جنت کی تمام نعمتوں سے بڑھ کر ہوگا۔
اللہ تعالیٰ ہمیں نصیب فرمائے۔
آمین یارب العالمین۔
3۔
اس حدیث سے امام بخاری رحمۃ اللہ علیہ یہ ثابت کرنا چاہتے ہیں کہ علم غیب اللہ تعالیٰ کا خاصا ہے، اس میں کوئی دوسرا شریک نہیں حتی کہ رسول اللہ صلی اللہ علیہ وسلم کو بھی ایسا علم حاصل نہیں۔
قرآن مجید میں اس بات کی صراحت ہے۔
ارشاد باری تعالیٰ ہے:
”(اے محمد صلی اللہ علیہ وسلم!)
آپ ان سے کہہ دیں:
میں یہ نہیں کہتا کہ میرے پاس اللہ کے خزانے ہیں اور نہ میں غیب کی باتیں جانتا ہوں۔
“ (الأنعام 50)
نیز فرمایا:
”اگرمیں غیب جانتا ہوتا تو بہت سی بھلائیاں حاصل کرلیتا اور مجھے کوئی تکلیف نہ پہنچتی۔
“ (الأعراف: 188/7)
ان آیات سے معلوم ہوا کہ رسول اللہ صلی اللہ علیہ وسلم کو غیب کا علم نہیں تھا۔
البتہ اگر بذریعہ وحی کچھ غیب کی باتیں آپ صلی اللہ علیہ وسلم کو بتادی گئی ہوں تو وہ اس موضوع سے خارج ہیں۔
اس کے متعلق ارشاد باری تعالیٰ ہے:
”وہ غیب دان ہے اور اپنے غیب پر کسی کو مطلع نہیں کرتا سوائے ایسے رسول کے سے جسے وہ (کوئی غیب کی بات بتانا)
پسند کرے، پھر وہ اس (وحی)
کے آگے اور پیچھے محافظ لگا دیتا ہے۔
“ (الجن 26۔
27)
علامات قیامت، امورآخرت، حشر نشر، حساب کتاب اور جنت دوزخ سے متعلقہ حقائق غیب سے تعلق رکھتے ہیں جو اللہ تعالیٰ نے بذریعہ وحی اپنے رسول صلی اللہ علیہ وسلم کو بتا دیے اور انھوں نے ان کو اُمت تک پہنچا دیا۔
ارشاد باری تعالیٰ ہے:
”یہ غیب کی خبریں ہیں جو ہم آپ کی طرف وحی کر رہے ہیں۔
اس سے پہلے انھیں نہ تو آپ جانتے تھے اور نہ آپ کی قوم کو ان کا علم تھا۔
“ (ھود 49)
اس بات پر اہل علم کاا تفاق ہے کہ رسول اللہ صلی اللہ علیہ وسلم کو غیب کا علم نہیں تھا مگرجو بات اللہ تعالیٰ آپ صلی اللہ علیہ وسلم کو بتا دیتا وہ معلوم ہو جاتی، چنانچہ ابن اسحاق نے اپنی تالیف "مغازی" میں نقل کیا ہے کہ رسول اللہ صلی اللہ علیہ وسلم کی اونٹنی گم ہوگئی تو ابن صلیت کہنے لگا کہ محمد صلی اللہ علیہ وسلم خود کو پیغمبر کہتے ہیں اور آسمان کے حالات تم سے بیان کرتے ہیں لیکن انھیں اپنی اونٹنی کے متعلق معلومات نہیں ہیں کہ وہ کہاں ہے؟ یہ بات جب رسول اللہ صلی اللہ علیہ وسلم کو پہنچی توآپ صلی اللہ علیہ وسلم نے فرمایا:
”فلاں شخص ایسی ایسی بات کہتا ہے، اللہ کی قسم! میں تو وہی بات جانتا ہوں جو اللہ تعالیٰ مجھے بتلا دیتا ہے۔
اب اللہ تعالیٰ نے مجھے اونٹنی کے متعلق بتلا دیا ہے کہ وہ فلاں گھاٹی میں ایک درخت سے اٹکی ہوئی ہے۔
“ آخر کار صحابہ کرام رضوان اللہ عنھم اجمعین وہاں گئے اورآپ کی نشاندہی سے اسے لے آئے۔
(فتح الباري: 445/13)
4۔
ہمارے ہاں کچھ غالی قسم کے عقیدت مند ہیں جو رسول اللہ صلی اللہ علیہ وسلم کے لیے علم غیب ثابت کرتے ہیں اور کہتے ہیں کہ آپ کو (مَا كَانَ وَمَا يَكُونُ)
کا علم تھا۔
ایسا عقیدہ سراسر غلط اور قرآن وسنت کے بالکل ہی خلاف ہے۔
اسی طرح کچھ شعبدہ باز اور مداری قسم کے لوگ بھی علم غیب رکھنے کا دعویٰ کرتے ہیں اور کچھ کشف والہام کا دعویٰ کرتے ہیں۔
اس قسم کے دعوؤں کی کیا حقیقت ہے؟ مثلاً:
ایک نجومی، جوتشی جو فٹ پاتھ پر بیٹھ کر لوگوں کی قسمت کا حال بتاتا ہے اور مختلف طریقوں سے لوگوں کو غیب کی خبریں دیتا ہے اگر وہ یہ علم جانتا ہوتا تو کیا اس کم بخت کی یہ حالت زار ہو سکتی تھی؟ کیا وہ چند دنوں میں امیر کبیر نہ بن سکتا تھا؟ کچھ صوفی حضرات کشف قبور کے قائل ہیں اور کچھ استخارے کے ذریعے سے چوری وغیرہ کی نشاندہی کرتے ہیں۔
ہمارے نزدیک یہ سراسر جھوٹ اور بہتان ہے۔
شریعت میں ایسے کاموں کی کوئی گنجائش نہیں۔
بہرحال غیب کا علم اللہ تعالیٰ کے سوا اور کوئی نہیں جانتا اور جو اس کا دعویٰ کرتا ہے وہ جھوٹا اور کذاب ہے۔

حدیث حاشیہ:
1۔
اس حدیث سے پتا چلتا ہے کہ تبلیغ رسالت حضرات انبیاء علیہم السلام کی ذمہ داری تھی اور انھوں نے اس سلسلے میں کسی قسم کی کوتاہی نہیں کی، پھر قرآن کی تلاوت اور اس کی وضاحت کے ساتھ تبلیغ کرنا ان کا فعل ہے جو اللہ تعالیٰ کا پیدا کیا ہوا ہے، البتہ جو پیغام انھوں نے پہنچایا ہے، وہ اللہ تعالیٰ کا کلام اور غیرمخلوق ہے۔
2۔
امام بخاری رحمۃ اللہ علیہ کے ہاں اس سلسلے میں جتنے بھی دلائل ہیں ان پر الگ الگ عنوان قائم کیا ہے جیسا کہ آئندہ تراجم سے معلوم ہوتا ہے۔
دراصل امام بخاری رحمۃ اللہ علیہ ان مسائل کی وجہ سے بہت آزمائش میں ڈالے گئے تھے، اس لیے انھوں نے اپنے موقف کی تائید میں دلائل کے انبار لگا دیے ہیں۔
فجزاه الله خير الجزاء۔