كتاب الزكاة كتاب الزكاة سیدنا ابوبکر رضی اللہ عنہ جامع الخصائل تھے
ابوہریرہ رضی اللہ عنہ بیان کرتے ہیں، رسول اللہ صلی اللہ علیہ وآلہ وسلم نے فرمایا: ”آج تم میں سے کون روزے سے ہے؟“ ابوبکر رضی اللہ عنہ نے عرض کیا: میں، آپ صلی اللہ علیہ وآلہ وسلم نے فرمایا: ”آج تم میں سے کون جنازے کے ساتھ شریک ہوا؟“ ابوبکر رضی اللہ عنہ نے عرض کیا: میں، آپ صلی اللہ علیہ وآلہ وسلم نے فرمایا: ”آج تم میں سے کس نے مسکین کو کھانا کھلایا؟“ ابوبکر رضی اللہ عنہ نے عرض کیا، میں نے، آپ صلی اللہ علیہ وآلہ وسلم نے فرمایا: ”آج تم میں سے کس نے مریض کی عیادت کی؟“ ابوبکر رضی اللہ عنہ نے عرض کیا: میں نے، رسول اللہ صلی اللہ علیہ وآلہ وسلم نے فرمایا: ”جس شخص میں یہ خصلتیں جمع ہو جائیں تو وہ جنت میں داخل ہو جائے گا۔ “ رواہ مسلم۔
تحقيق و تخريج الحدیث: محدث العصر حافظ زبير على زئي رحمه الله:
«رواه مسلم (1208/87)» |