گویا کہ وه ان گھروں میں کبھی بسے ہی نہ تھے، آگاه رہو مدین کے لئے بھی ویسی ہی دوری ہو جیسی دوری ﺛمود کو ہوئی

گویا ان میں کبھی بسے ہی نہ تھے۔ سن رکھو کہ مدین پر (ویسی ہی) پھٹکار ہے جیسی ثمود پر پھٹکار تھی

جیسے وہ ان میں نہیں رہے تھے۔ سن لو! مدین کے لیے ہلاکت ہے، جیسے ثمود ہلاک ہوئے۔

ﺛمودیوں نے بھی پیغمبروں کو جھٹلایا

(اور) قوم ثمود نے بھی پیغمبروں کو جھٹلا دیا

ثمود نے رسولوں کو جھٹلایا۔

رہے ﺛمود، سو ہم نے ان کی بھی رہبری کی پھر بھی انہوں نے ہدایت پر اندھے پن کو ترجیح دی جس بنا پر انہیں (سراپا) ذلت کے عذاب، کی کڑک نے ان کے کرتوتوں کے باعﺚ پکڑ لیا

اور جو ثمود تھے ان کو ہم نے سیدھا رستہ دکھا دیا تھا مگر انہوں نے ہدایت کے مقابلے میں اندھا دھند رہنا پسند کیا تو ان کے اعمال کی سزا میں کڑک نے ان کو آپکڑا۔ اور وہ ذلت کا عذاب تھا

اور جو ثمود تھے تو ہم نے انھیں سیدھا راستہ دکھایا مگر انھوںنے ہدایت کے مقابلہ میں اندھا رہنے کو پسند کیا تو انھیںذلیل کرنے والے عذاب کی کڑک نے پکڑ لیا، اس کی وجہ سے جو وہ کماتے تھے۔

قوم ﺛمود نے ڈرانے والوں کو جھٹلایا

ثمود نے بھی ہدایت کرنے والوں کو جھٹلایا

ثمود نے ڈرانے والوں کو جھٹلا دیا۔

اس کھڑکا دینے والی کو ﺛمود اور عاد نے جھٹلا دیا تھا

کھڑکھڑانے والی (جس) کو ثمود اور عاد (دونوں) نے جھٹلایا

ثمود اور عاد نے اس کھٹکھٹانے والی(قیامت) کو جھٹلادیا۔

(جس کے نتیجہ میں) ﺛمود تو بے حد خوفناک (اور اونچی) آواز سے ہلاک کردیئے گئے

سو ثمود تو کڑک سے ہلاک کردیئے گئے

سو جو ثمود تھے وہ حد سے بڑھی ہوئی (آواز) کے ساتھ ہلاک کر دیے گئے۔

(قوم) ﺛمود نے اپنی سرکشی کے باعﺚ جھٹلایا

(قوم) ثمود نے اپنی سرکشی کے سبب (پیغمبر کو) جھٹلایا

(قوم) ثمود نے اپنی سرکشی کی وجہ سے جھٹلا دیا۔