اور کہنے لگے کیا ہمیں میں سے ایک شخص کی ہم فرمانبرداری کرنے لگیں؟ تب تو ہم یقیناً غلطی اور دیوانگی میں پڑے ہوئے ہوں گے

اور کہا کہ بھلا ایک آدمی جو ہم ہی میں سے ہے ہم اس کی پیروی کریں؟ یوں ہو تو ہم گمراہی اور دیوانگی میں پڑ گئے

پس انھوں نے کہا کیا ایک آدمی جو ہمیں سے ہے اکیلا، ہم اس کے پیچھے لگ جائیں؟ یقینا ہم تو اس وقت بڑی گمراہی اور دیوانگی میں ہوں گے۔

وہی ہے جس نے ناخوانده لوگوں میں ان ہی میں سے ایک رسول بھیجا جو انہیں اس کی آیتیں پڑھ کر سناتا ہے اور ان کو پاک کرتا ہے اور انہیں کتاب وحکمت سکھاتا ہے۔ یقیناً یہ اس سے پہلے کھلی گمراہی میں تھے

وہی تو ہے جس نے ان پڑھوں میں ان ہی میں سے (محمدﷺ) کو پیغمبر (بنا کر) بھیجا جو ان کے سامنے اس کی آیتیں پڑھتے اور ان کو پاک کرتے اور (خدا کی) کتاب اور دانائی سکھاتے ہیں۔ اور اس ے پہلے تو یہ لوگ صریح گمراہی میں تھے

وہی ہے جس نے ان پڑھوں میں ایک رسول انھی میں سے بھیجا، جو ان کے سامنے اس کی آیات پڑھتا ہے اور انھیں پاک کرتا ہے اور انھیں کتاب اور حکمت سکھاتا ہے، حالانکہ بلاشبہ وہ اس سے پہلے یقینا کھلی گمراہی میں تھے ۔

یقیناً نیک لوگ (جنت کے عیش و آرام اور) نعمتوں میں ہوں گے

بے شک نیکوکار نعمتوں (کی بہشت) میں ہوں گے۔

بے شک نیک لوگ یقیناً بڑی نعمت میں ہوں گے۔

اور یقیناً بدکار لوگ دوزخ میں ہوں گے

اور بدکردار دوزخ میں

اور بے شک نافرمان لوگ یقیناً بھڑکتی آگ میں ہوں گے۔

یقیناً بدکاروں کا نامہٴ اعمال سِجِّينٌ میں ہے

سن رکھو کہ بدکارروں کے اعمال سجّین میں ہیں

ہرگز نہیں، بے شک نافرمان لوگوں کا اعمال نامہ یقینا دائمی سخت قید کے دفتر میں ہے ۔

یقیناً یقیناً نیکو کاروں کا نامہٴ اعمال عِلِّیین میں ہے

(یہ بھی) سن رکھو کہ نیکوکاروں کے اعمال علیین میں ہیں

ہرگز نہیں، بے شک نیک لوگوں کا اعمال نامہ یقینا بہت ہی اونچے لوگوں کے دفتر میں ہے ۔

یقیناً نیک لوگ (بڑی) نعمتوں میں ہوں گے

بےشک نیک لوگ چین میں ہوں گے

بے شک نیک لوگ یقینا بڑی نعمت میں ہوں گے۔

یہ باتیں پہلی کتابوں میں بھی ہیں

یہ بات پہلے صحیفوں میں (مرقوم) ہے

بے شک یہ بات یقینا پہلے صحیفوں میں ہے ۔

بیشک (بالیقین) انسان سرتا سر نقصان میں ہے

کہ انسان نقصان میں ہے

کہ بے شک ہر انسان یقینا گھاٹے میں ہے۔