جَانِب اور جَنْب بمعنی پہلو ، طرف ، گوشہ ، سمت۔ اور اس کی جمع جَوَانِبْ ہے۔ سمتیں جہات یہ چھ ہیں۔ دائیں ، بائیں ، آگے ، پیچھے ، اوپر ، نیچے ، شمال ، مشرق ، مغرب ، جنوب وغیرہ۔ اور جانب وہ سمت ہے جس کا کسی کام کے وقت قریب ہونے سے تعلق ہو۔

بمعنی کسی شے کی آخری حد یا کنارہ۔ ج اَطْرَاف سمت کے لئے طَرْف کا لفظ عربی میں مستعمل نہیں۔ البتہ اردو میں اس کا استعمال عام ہے قرآن کریم میں جہاں کہیں یہ لفظ استعمال ہوا ہے آخری حد یا کنارہ کے معنی میں آیا ہے۔ یا پھر حد نگاہ اور نگاہ کے لیے۔

وَجْهٌ بمعنی چہرہ اور کسی چیز کے سامنے کی طرف۔ وَجْهُ النَّھَار بمعنی دن کا پہلا حصہ۔ اور وَاجَهَ بمعنی آمنے سامنے ہونا۔ اور وِجْھَةٌ وہ سمت ہے جس کی طرف کوئی متوجہ ہو۔ یعنی وہ مخصوص سمت اور مقام جدھر کوئی رخ کر کے عبادت وغیرہ کرے ، قبلہ۔

شطر کے بنیادی طور پر دو بمعنی ہیں۔ نِصْفُ الشَّئْی ، اَلْبَعْدُ وَالْمَوَاجِھَة یعنی شطر میں آمنے سامنے ہونے کے علاوہ دوری بھی ضروری ہے۔ جبکہ وِجْھَةٌ میں یہ ضروری نہیں یعنی دور دراز مقام سے کسی مخصوص جگہ کی طرف منہ کرنا۔

لَقِيَ بمعنی کسی چیز کے سامنے آنا اور اسے پا لینا اور تِلْقَاءِ لِقَاء کا اسم طرف ہے یعنی ملاقات کی جگہ۔ کہتے ہیں جَلَسَ تِلْقَاءَہٗ وہ اس کے مقابل بیٹھا۔ فَعَلَ الْاَمْرُ مِنْ تِلْقَاءِ نَفْسِهٖ اس نے وہ کام خود بخود کیا اسے کسی نے مجبور نہیں کیا۔

بمعنی مقابلہ بھی اور ایک چیز کا دوسری کے سامنے ہونا بھی ہے۔