یہ لفظ آگاہ ہونا سے متعدی ہے ”شَعَرَ“ سے ”اَشْعَرَ“ ۔

یہ لفظ آگاہ ہونا سے متعدی ہے ”ظَهَرَ“ سے ”اَظْهَرَ“ ۔

یہ لفظ آگاہ ہونا سے متعدی ہے ”عَلِمَ“ سے ”عَلَّمَ“ ۔

معنی کسی حیلہ یا تدبیر یا کسی اور چیز کے ذریعہ سے کسی چیز کا علم حاصل ہونا دری سے مصدر درایۃ ہے جو بکثرت مستعمل ہے۔ اَدْرٰی اس سے فعل متعدی ہے اس پر ہمیشہ لَا، مَا، یا اِنْ نافیہ ، یا مَا استفہامیہ داخل ہوتا ہے۔

حَدَثَ معنی کسی امر کا وقوع پذیر ہونا ۔ نیا ہونا یعنی چیز یا بات کا پیدا ہونا ہے اور ابن الفارس کے مطابق كَوْن الشَّيْء لَمْ يَكُنْ ۔ پس ایسی چیز کا بیدار ہونا یا وجود میں آنا جو پہلے نہ تھی اور حَدَّثَ کے معنی کسی کو ایسی بات بتلانا جو وہ پہلے نہ جانتا ہو یا کم از کم بتلانے والا ایسا ہی گمان کرتا ہو۔

عَرَفَ کے معنی کسی چیز کے علامات و آثار پر غور و فکر کر کے اس کا ادراک کرلینا پہنچاننا ہیں اور ظاہر ہے کہ پہچاننے میں انسان بعض دفعہ غلطی بھی کر سکتا ہے لہذا معرفت یا عرفان کا درجہ علم سے کم تر ہے اور عرفان کی ضد انکار ہے۔

طلع کے بنیادی معنی نمودار ہونا اور سامنے آنا ہے۔ اور طلع الكواكب بمعنی سیاروں ، سورج ، چاند غیرہ کا طلوع ہونا ہے اور اَطْلَعَ کے معنی کسی کو حقیقت حال سے واقف کرنا ۔

نبا کے بنیادی معنی ایک جگہ سے دوسری جگہ آنا ہے۔ اور سَیْلٌ نَابِیٌ ایسے سیلاب کو کہتے ہیں جو ایک شہر سے دوسرے شہر تک جا پہنچے پھر اسی بنا پر نباہ کا لفظ خبر کے معنوں میں استعمال ہونے لگا۔ صاحب منتہی الادب نے اَنْبَا کے معنی خبردادن (آگاہ کر دن) لکھے ہیں۔ خبر اور نبا کا فرق یہ ہے خبر عام ہے اور نبا کسی خاص واقعے کی خبر کو کہتے ہیں جو سننے والے کے لئے مفید بھی ہو۔ علاوہ ازیں نبا کا تعلق ماضی، حال ، مستقبل حتیٰ کہ مابعدالطبیعات یعنی مرنے کے بعد اور دوبارہ زندگی کی خبروں سے بھی ہوتا ہے جبکہ خبر کا دائرہ صرف ماضی اور حال تک محدود ہوتا ہے۔ گویا اہمیت افادیت اور زمانہ کی وسعت تین چیزیں نبا کو عام خبر سے ممتاز کرتی ہیں۔ نبا میں چونکہ مستقبل کی خبر یا پشین گوئی بھی شامل ہے۔ اسی بنا پر کافر انبیاء کو کاہن کہتے ہیں۔ امام راغب نے نبا کی تعریف میں یہ بھی لکھا ہے۔ کہ اس میں کذب کا احتمال نہ ہو اور اس سے علم یا مفید ظن حاصل ہو جیسا کہ وحی الہی سے اور خبرمتواتر وغیرہ سے حاصل ہوتا ہے۔ لیکن ہمارے خیال میں یہ قید درست نہیں ۔

معنی رہنمائی کرنا رستہ دکھانا ۔ کسی چیز کا پتہ بتلانا اور دلالت معنی جس کے ذریعہ کسی چیز کی معرفت حاصل ہو جیسے الفاظ کا معنی پر دلالت کرنا۔ یا جیسے کوئی چیز حرکت کرنے لگے تو انسان سمجھ لیتا ہے کہ یہ چیز کوئی زندہ جانور ہے۔ گویا اس کی حرکت جاندار کی زندگی پر دلالت کرتی ہے ۔ اور دَلَّ کا لفظ مادی اور معنوی دونوں طرح استعمال ہوتا ہے ۔