شَعْر بال کو کہتے ہیں لہٰذا شَعَرَ کے معنی بال کی طرح باریک علم حاصل کرنا ہے۔ کسی معاملہ کی باریکی اور لطافت کو سمجھ لینا یا حالات و واقعات سے نتیجہ اخذ کرنا اور معاملہ کی تہ تک پہنچ جانے کو شَعْر کہتے ہیں۔

اس کے بنیادی معنی دو ہیں۔ 1) قُوَّة 2) عیاں ہونا۔ یہاں دوسرے مفہوم سے تعلق ہے جس کی ضد بطن ہے تو ظَھَرَ سے مراد ایسا علم ہے جو بالکل ظاہری حالات و واقعات سے حاصل ہو ۔

ایسی بات کی واقفیت جو بغیر ارادہ کے باتوں باتوں میں حاصل ہو جائے۔

کسی چیز کی حقیقت کے متعلق واقفیت اگر یقین کی حد تک پہنچ جائے تو یہ واقفیت علم کہلائے گی ۔ اور اس کی ضد جَهْل ہے۔

خَبَرَ کسی چیز کی حقیقت و ماہیت سے واقف اور باخبر ہونا اور اس کے دوسرے معنی خبرالشی : کسی چیز کو تجربہ سے جان لینا۔ تجربہ کرنا ۔ آزمانا ان سے واضح ہے کہ علم کے مقابلہ میں خبر میں واقفیت واضح تر ہوتی ہے۔