ایسی بات کہنا جس کے معنی سمجھ میں آ سکیں کہتے ہیں اَلْمَالُ النَّاطِقُ وَالصَّامِت یعنی بولنے والے مال سے حیوان اور چپ رہنے والے مال سے سونا چاندی مراد ہے اور حیوان بھی ناطق ہیں۔ کیونکہ وہ ایک دوسرے کی بولی سمجھ لیتے ہیں۔ اور مَنْطَقَ الطَّیْر بمعنی جانوروں کی بولی لیکن یہ لفظ بلذات صرف انسان کے متعلق بولا جاتا ہے اور اہل منطق صرف انسان کو ہی حیوان ناطق کہتے ہیں اور نطق سے قوت گویائی مراد لیتے ہیں۔ سب سے پہلے ارسطو نے انسان کو حیوان ناطق کہا تھا مگر لغوی لحاظ سے یہ لفظ ذوی العقول کے لیے استعمال ہو سکتا ہے۔