مسافر کا سامان ، بوجھ ، وزن وغیرہ۔ اور یہ عموماً مادی اور حسی بوجھ کے لیے استعمال ہوتا ہے۔ اور ”ثَقِيْل“ کی ضد ”خفيف“ ہے۔ بمعنی وزن میں ہلکا ۔

”حَمَلَ“ بوجھ اٹھانے اور بوجھ لادنے کو کہتے ہیں ۔ اور ”حَمْل“ ایسے بوجھ کو کہتے ہیں جو کوئی چیز بباطن اپنے اندر اٹھائے ہوتے ہو ۔ جیسے پیٹ میں بچہ ، درخت کا پھل یا بادل میں پانی۔

بوجھ کے لیے ”وقر“ کا استعمال معنوی طور پر ہوتا ہے ۔ کہتے ہیں ”في صدره وقر“ اس کے دل میں کینہ (کا بوجھ) ہے ۔ اسی طرح ”في اذنه وقر“ اس کے کان میں بوجھ ہے یعنی اسے ثقل سماعت یا بہرا پن کا عارضہ ہے اور اونچا سنتا ہے۔ بعض لوگ ”وقر“ کا معنی کانوں کا میل بھی کرتے ہیں مگر پہلا معنی زیادہ ابلغ ہے ۔ اور کانوں کا میل اسے محدود کر دیتا ہے ۔

ابن فارس لکھتے ہیں کہ کوئی شخص جب اپنا کپڑا پھیلا کر اس میں اپنا بوجھ رکھ کر اور ٹھاکر چل دیتا ہے تو یہ ”وِزْر“ ہے ۔ اور اسی لیے ”الذنب“ (گناہ) کو وزر (بوجھ ) کہتے ہیں ۔ یعنی اپنے کیے ہوئے عمل کا بوجھ اور ایسے ہی ”وِزْر“ اسلحہ کو بھی کہتے ہیں جمع ”اوزار“ ۔ اور ”اَوْزَرَ اِيْزَارًا“ کے معنی چھپانا ، لے جانا اور پناہ دینا وغیرہ بھی آتے ہیں۔ اوراسی طرح ”وِزْر“ کے معنی کسی پہاڑ میں جائے پناہ کے بھی آئے ہیں۔ اور ”وِزْر“ کا استعمال اکثر گناہوں کے بار گراں کے لیے ہوتا ہے ۔

”الاصر“ کے معنی (1) گرہ لگانے اور (2) کسی چیز کو زبردستی روک لینے کے ہیں۔ اس لحاظ سے اپنے عہد و پیمان کی پابندی اور شرعی احکام کی تعمیل کی ذمہ داری کا بار ”اِصْر“ ہے اور ابن فارس کے نزدیک ہر عقد ، عہد اور قرابت ”اِصْر“ ہے۔

بمعنی محتاج ، عیال ، یتیم ، درماندہ ، عاجز اور بوجھ کے ہیں ۔ اور ”كَلَّ“ سے مراد تربیت کی ذمہ داری یا نان ونفقہ کا بوجھ ہے ۔

”وَزَنَ“ بمعنی کسی چیز کو تولنا، وزن کرنا ۔ اور ”وَزَنَ“ وہ بوجھ جو ترازو کے کسی پلڑے میں تلنے کے لیے رکھا جائے ۔ اور ”ميزان“ بمعنی ترازو بھی اور مقدار وزن بھی (ج ”مَوَازِيْن“ )۔