”غَلَقَ“ بمعنی بند کر دینا اور اس کی ضد ”فَكِّ“ بمعنی رہا کرانا یا چھڑانا ہے ۔ اور ”غَلْق“ بمعنی قفل یا تالا کے ہیں اور ”غَلَّقَ الْبَاب“ کے معنی دروازہ کو مضبوطی سے بند کرنا ۔ چٹخنی وغیرہ لگانا یا مقفل کرنا ہے۔

”وَصَدَ“ اس طرح بند کرنے کو کہتے ہیں کہ بند شدہ چیز سے کچھ باہر نہ نکل سکے۔ ابن فارس کے الفاظ ”الوصد خَتْمُ شَيْءٍ اِلٰي شَيْءٍ“ اور ”اَوْصَدْتُ الْقِدْرَ“ کے معنی ہانڈی پر ڈھکنا دینا تاکہ بھاپ نہ نکل سکے۔ اور ”اَوْصَدْتُ الْبَابَ“ دروازہ بند کرنا۔ لیکن اس کا اطلاق اس وقت ہوگا جب کوئی دوسری کھڑکی یا دروازہ یا روشن دان وغیرہ کھلا نہ ہو۔

بنیادی طور پر دو معنوں میں استعمال ہوتا ہے۔ (1) کسی چیز کا اپنی انتہا اور ہدف تک نہ پہنچنا۔ (2) حبس بمعنی بند ہونا یہاں دوسرا معنی زیر بحث ہے۔ کہتے ہیں ”قَصَرَ فِيْ بَيْتِهٖ“ اپنے گھر میں محبوس یا بند ہو گیا ۔

کے معنی کسی چیز کو مٹھی میں بند کرنا اور قبضة مٹھی کو کہتے ہیں لہٰذا قبض ، سکڑنا کم کرنا , تنگ کرنا اور بند کرنا سب معنوں میں مستعمل ہے ۔