|
 |
لفظ وضاحت و مترادفات
عَلَا
بمعنی بلند ہونا اور اس کی ضد ”سَفَلَ“ ہے ۔ یہ لفظ انسان واعیان دونوں جگہ استعمال ہوتا ہے ۔ یعنی جگہ اور کسی جسم کی بلندی کے لیے بھی اور مرتبہ کی بلندی کے لیے بھی۔ نیز یہ لفظ مذموم اور محمود دونوں صورتوں میں استعمال ہوتا ہے۔ اب مثال ملاحظہ فرمائیے:
متعلقہ اردو لفظ اور اس کے عربی مترادف
بلند ہونا، اونچا ہونا
”بلند ہونا ، اونچا ہونا“ کے لیے ”عَلَا“ ، ”بَسَقَ“ اور ”شَمَخَ“ کے الفاظ قرآن کریم میں آئے ہیں۔
روٹ:ع ل و
عَلَا
بمعنی بلند ہونا اور اس کی ضد ”سَفَلَ“ ہے ۔ یہ لفظ انسان واعیان دونوں جگہ استعمال ہوتا ہے ۔ یعنی جگہ اور کسی جسم کی بلندی کے لیے بھی اور مرتبہ کی بلندی کے لیے بھی۔ نیز یہ لفظ مذموم اور محمود دونوں صورتوں میں استعمال ہوتا ہے۔ اب مثال ملاحظہ فرمائیے:
ارشاد باری تعالیٰ ہے :
وَرَفَعْنَاهُ مَكَانًا عَلِيًّا
”اور ہم نے ان (ادریس علیہ السلام) کو اونچی جگہ اٹھا لیا تھا۔ (جالندھری )“
[19-مريم:57]
روٹ:ب س ق
بَسَقَ
صرف بلند و بالا درختوں اور خصوصا کھجور کے بلند ہونے کے لیے استعمال ہوتا ہے۔
ارشاد باری تعالیٰ ہے :
وَالنَّخْلَ بَاسِقَاتٍ لَهَا طَلْعٌ نَضِيدٌ
”اور بلند کھجوریں جن پر تہ بر تہ خوشے لگے ہیں۔“
[50-ق:10]
روٹ:ش م خ
شَمَخَ
کا لفظ کسی چیز کے (1) بڑا اور (2) بلند ہونے پر دلالت کرتا ہے۔ پہاڑوں اور بلند و بالا عمارتوں کی بلندی کے لیے استعمال ہوتا ہے۔ فلک بوس بلندی۔
ارشاد باری تعالیٰ ہے :
وَجَعَلْنَا فِيهَا رَوَاسِيَ شَامِخَاتٍ
”اور ہم نے اس زمین پر اونچے اونچے پہاڑ رکھ دیے۔“
[77-المرسلات:27]
ماحصل
| نمبر | لفظ | مختصر وضاحت |
1 | عَلَا | کا استعمال عام ہے۔ |
2 | بَسَقَ | بلند درختوں اور خصوصا کھجور کی بلندی کے لیے ”بسق“ آئے گا۔ |
3 | شَمَخَ | پہاڑوں اور بلند عمارتوں کی بلندی کے لیے ”شمخ“ آئے گا۔ |
Download Mutaradif words