بَثَّ کے معنی پراگندہ کرنا اور دور دور تک پھیلا دینا ہے۔ اور اِنْبَثَّ کے معنی کسی چیز کا متفرق ہو کر سب اطراف میں دور تک پھیل جانا ہے۔ اور اس میں پھیلنے والی چیز کے ارادہ کا کچھ دخل نہیں ہوتا ۔

نشر کے معنی پھیلانا اور مشہور کرنا۔ اور اِنْتَشَرَ کے معنی کسی جمع یا جلوس وغیرہ سے لوگوں کا اٹھ کر چلے جانا اور اپنی اپنی راہ لینا ۔

فَضَّ کے معنی کسی چیز کو اس طرح توڑنا کہ وہ الگ الگ ہو جائے اور انفضاض بمعنی شیشہ وغیرہ کے ٹکڑے ٹوٹ ٹوٹ کر الگ الگ ہوتے جانا۔ رہا ہے ۔ گویا اِنْفَضَّ کے معنی کسی چیز کے سب کے سب اجزاء کا پراگندہ ہونا ہے ۔

”نَثَرَ“ ہر اس چیز کو کہتے ہیں جو کسی چیز سے جھڑ کر پراگندہ ہو جائے ۔ اور ”اَنْتِثَار“ ناک جھاڑنے کو کہتے ہیں ۔ ابن فارس ”نَثَرَ“ کے معنی کی متفرق چیز کو نیچے ڈال دینا لکھتے ہیں ۔ ان کے اپنے الفاظ میں ”كلمة تَدُلُّ عَلٰى اِلْقَاءِشَيْءٍ مُتَفَرِّقٍ“ اور ”نثر“ غیر منظوم عبارت کو بھی کہتے ہیں ۔ نیز ”اَنْتَثَرَ“ صرف غیر جاندار کے لیے آتا ہے۔

”طَارَ“ بمعنی کس پردار جانور یا چیز کا ہوا میں اڑنا اور ”طائر“ بمعنی پرندہ ہے (ج طیر) اور ”استطار“ بمعنی کسی چیز کا ہوا میں بلند ہو کر پھیلنا اور بکھر جانا ہے ۔