بمعنی برا ، کلمہ ذم، فعل ماضی جامد ہے۔ کسی ناگوار کام یا بری بات کی مذمت کے لیے استعمال ہوتا ہے (منجد) اور اس کی ضد نِعْمَ ہے۔ یعنی اچھا ، واہ واہ ، کیا خوب، جو ہر قسم کی مدح کے لیے استعمال ہوتا ہے۔

بہر وہ چیز جس سے ہر کوئی کراہت کرے یا اس سے نقصان پہنچے اور اس کی ضد خَیْر ہے یعنی سب کے لئے مرغوب اور پسندیدہ ہو (مف) اور شر کا لفظ برا، برائی اور تکلیف سب معنوں میں استعمال ہوتا ہے۔ اور۔ شرارہ آگ کی چنگاری کو کہتے ہیں جس کی جمع شرر ہے۔اور شرارت ہر وہ درپردہ فعل ہے جس سے کسی کو نقصان پہنچایا جاسکے۔ اور برے آدمی کو شریر کہتے ہیں اور اس کی جمع اشرار آتی ہے۔

بمعنی قبیح ہونا (منجد) بدصورت یا نا گوار ہونا، جو ظاہری بدصورتی اور معنوی خرابی دونوں کے لیے آتا ہے۔ اور اس کی ضد حَسُنَ ہے۔ اسی طرح سیّئات (برے کام) کی ضد حَسَنَات آتی ہے۔ سَاءَ سے صرف ماضی اور مضارع کے صیغے آتے ہیں۔

بمعنی قول یا فعل یا شکل کا برا ہونا اور قبیح معنی برا، بدنما (منجد) یہ لفظ عموماً ظاہری حالت کی برائی کے لیے آتا ہے اور قبیح معنی بدحال (مف) بمعنی بد صورت یا بدنما ہونا (منجد)۔