قدح بالزبد بمعنی چقماق سے آگ نکالنے کا ارادہ کرنا گویا قَدَعَ کا لفظ صرف آگ نکالنے کی کوشش اور ارادہ تک محدود ہے۔

وري بالزبد محاورہ ہے یعنی چقماق سے آگ کا شعلہ نکالنا اور وَرٰي یَرِي کے معنی آگ کا شعلہ برآمد ہونا۔

وقد معنی آگ کا بھڑکنا اٹھنا۔ ابن فارس نے اس کے معنی كلمه بدل على اشتعال النار بیان کیے ہیں۔ اور اَوْقَدَ آگ جلانے کے معنی میں آتا ہے جب کہ اس میں شعلے پیدا ہونے لگیں۔

بمعنی آگ کی چنگاری جو شعلہ سے لی جائے اور بمعنی آگ کو بصورت شعلہ لینا اور قَبَسَ بمعنی آگ کا وہ شعلہ جو بڑی آگ سے لیا جائے۔اور قَابِس معنی آگ کا طالب اور قَبَسَهُ النَّار بمعنی کسی کے واسطے اگ لانا اور اَقْبَسَ فُلَاناً بمعنی کسی کو آگ دینا ۔

سَعَرَ کا معنی آگ کا جلنا بھڑکنا اور بلند ہونا ہے گویا یہ وَقَدَ سے اگلا درجہ ہے اور سَعَّرَ بمعنی آگ کو خوب بھڑکانا اور سعیر بمعنی بھڑکتی ہوئی آگ۔

سَجَّرَ میں کسی چیز کے بھرے ہوئے ہونے اور اس میں مخالفت یا تلاطم کا مفہوم پایا جاتا ہے۔ سَجَّرَ النَّسُّور کے معنی تنور کو ایندھن سے بھر کر گرم کرنا تاکہ آگ پوری شدت سے بڑھک سکے۔ نیز سَجْر بادل کی رعد کی آواز کو بھی کہتے ہیں۔ قرآن کریم کے الفاظ وَالْبَحْرِالْمَسْجُوْرِ سے مراد ہے کہ سمندر بھرا ہوا بھی ہوا اور جوش تلاطم سے ابل بھی رہا ہو اور سَجُوْر اس ایندھن کو کہتے ہیں جس سے تنور گرم کیا جائے گویا ہر وہ چیز جو آگ میں شدت پیدا کرنے کے لیے تنور میں جھونک دی جائے وہ سجور ہے۔

لَظٰی میں ایسی آگ بھڑک رہی ہو مگر اس میں شعلہ نہ ہو اور لَظَّی النَّار معنی آگ بھڑکانا اور تلظی معنی آگ بھڑک اٹھنا۔