خبط بمعنی کسی کو مار مار کر بدحواس کر دینا اور مخبوط معنی فاترالعقل یعنی ایسا شخص جس کی عقل ٹھیک کام نہ کرتی ہو۔ اہل عرب کے خیال کے مطابق یہ کام جنوں اور شیطانوں سے متعلق تھا ۔ جیسا کہ وہ دیوانہ کو بھی مجنون کہتے تھے یعنی جس کو جن پڑ گئے ہوں اور اس نے اسے دیوانہ بنا دیا ہو۔ مجنون اور مخبوط میں فرق صرف یہ تھا کہ جو شخص فتور عقل کے عارضہ سے بیمار ہوتا اسے مجنون کہہ دیتے تھے اور جس سے وقتی اور عارضی طور پر یہ مرض لاحق ہوتا اسے مخبوط کہتے تھے ۔