سکون کا لفظ اضطرار اور حرکت کی ضد ہے لہذا آباد ہونا کے مفہوم میں جب ”سَكَنَ“ کا استعمال ہوگا تو اس کے معنی ہوں گے کسی دوسرے مقام سے آکر رہائش پذیر ہونا۔

”تبوء“ کا مادہ ”(بوء)“ ہے۔ اس کے مفہوم میں دو باتیں پائی جاتی ہیں۔ رجوع الی الشتی اور برابر سرابر ہونا۔ اور اس لفظ کا استعمال اس وقت ہوتا ہے جب کسی رہائش مقام کی فضا اور ماحول میں رہنے والے کی طبیعت کے موافق اور سازگار ہو یا کوئی شخص جس مقصد کے لیے کسی رہائشی جگہ کا انتخاب کرتا ہے وہ اس کے لیے موافق اور سازگار ہو۔

معنی دفن کیا جانا۔ کسی جگہ ٹھہرنا، آباد ہونا۔ ”ثَوَ ي الرَّجُل“ آدمی کا مرنا لغت آضداد اور بمعنی۔ کسی جگہ کو مستقل طور پر اقامت گاہ بنا لینا۔ آباد واجداد سے کسی ایک مقام پر ہی رہائش اختیار کیے رکھنا۔

کسی جگہ پر ایک طویل عرصہ تک رہنا جہاں تغیر وفساد واقع نہ ہو ۔

”بَدَا“ ”(يَبْدُوا بَدَاوَة)“ کے معنی کسی گاؤں یا دور افتادہ جگہ کا باشندہ ہونا۔ ”بَدَا“ کے لغوی معنی (ظاہر ہونا) بھی ہے اور اس سے ایسا مقام رہائشی مراد ہوتا ہے جہاں بلند عمارتیں نہ ہونے کی وجہ سے سب کچھ نمایاں طور پر نظر آتا ہے اس سے ”بادية“ بمعنی صحرا ، ”بَادِي“ بمعنی صحرا نشین اور ”بَدَوِي“ بمعنی دیہاتی کے الفاظ مشتق ہیں۔

کسی شہر میں مقیم ہونا، شہری رہائش اختیار کرنا اور ”خَضْرٌ“ کی ضد ”بَدْوٌ“ ہے۔

اس کا مادہ عشر ہے، جس کے دو بنیادی معنی ہیں۔ ➊ دس کا عدد اور ➋ مخالطت اور مداخلت۔ یعنی آپس میں مل جل کر رہنا اسی سے لفظ ”عشيرة“ مشتق ہے جس کے معنی قبیلہ کے ہیں اور ”عاشر“ کے معنی ایک کنبہ کے ساتھ مل جل کر رہنا۔

”غَنَِي بِالْمَكَانِ“ بمعنی کسی مقام پر طویل مدت تک آرام و اطمینان سے رہنا، گویا وہ دوسری جگہوں سے بےنیاز ہے۔