|
 |
لفظ وضاحت و مترادفات
هَيِّنْ
اس کا مادہ ھون ہے۔ جس میں آسانی کے علاوہ نرمی کا پہلو بھی شامل ہے بشرطیکہ اس نرمی میں سبکی نہ ہو۔ بلکہ نرمی کے ساتھ ساتھ سکینت اور وقار شامل ہوں اور یہ ضفت قابل ستائش ہے۔
متعلقہ اردو لفظ اور اس کے عربی مترادف
آسان
”آسان“ کے لیے ”يسير“ ، ”(يسر)“ اور ”هَيِّنْ“ ، ”(هون)“ کے الفاظ قرآن کریم میں آئے ہیں۔
روٹ:ي س ر
يسير
اس کے مادہ یسر میں انفتاح اور حفیف ہونا داخل ہے اور یسیر وہ کام ہے جو آسان اور سہولت کے ساتھ سرانجام پا جائے ۔
ارشاد باری تعالیٰ ہے:
وَمَنْ يَفْعَلْ ذَلِكَ عُدْوَانًا وَظُلْمًا فَسَوْفَ نُصْلِيهِ نَارًا وَكَانَ ذَلِكَ عَلَى اللَّهِ يَسِيرًا
”اور جو تعدی اور ظلم سے ایسا کرے گا۔ ہم اس کو عنقریب جہنم میں داخل کریں گے اور یہ بات اللہ کے لیے آسان ہے۔“
[4-النساء:30]
روٹ:ه و ن
هَيِّنْ
اس کا مادہ ھون ہے۔ جس میں آسانی کے علاوہ نرمی کا پہلو بھی شامل ہے بشرطیکہ اس نرمی میں سبکی نہ ہو۔ بلکہ نرمی کے ساتھ ساتھ سکینت اور وقار شامل ہوں اور یہ ضفت قابل ستائش ہے۔
ارشاد باری تعالیٰ ہے:
وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا
”اور خدا کے بندے تو وہ ہیں جو زمین پر متواضع ہو کر چلتے ہیں ۔“
[25-الفرقان:63]
ماحصل
| نمبر | لفظ | مختصر وضاحت |
1 | يسير | بات یا کام جو فاعل سے بسہولت سر انجام پائے۔ |
2 | هَيِّنْ | وہ بات یا کام جو فاعل کی قوت و قدرت کے مقابلہ میں بہت کم درجہ کا ہو۔ |
Download Mutaradif words