بارش کے لیے عام لفظ ہے۔ بارش فائدہ مند ہو یا نقصان دے۔ پانی سے برسے یا کوئی اور چیز سب کے لئے ”مطر“ کا لفظ استعمال ہو سکتا ہے اور ”اَمْطَرَ“ بمعنی بارش برسانا۔

لفظی معنی پانی ہے (ج میاہ) مجازاً بارش کے لئے استعمال ہوتا ہے۔

بلکل خفیف اور کمزور سی بارش، شبنم اور پھوہار دونوں کے لیے ”طَلَّ“ کا لفظ استعمال ہوتا ہے۔

جو بارش لگاتار ہوتی رہے اسے ”وَدْق“ کہتے ہیں ایسی بارش عموماً آہستہ آہستہ اور بہت دیر تک جاری رہتی ہے۔

وہ بارش جو ضرورت کے وقت ہو اور ضرورت کے مطابق ہو وہ ”غَيْث“ ہے۔

”مِدْرَار الدَّرّ“ دودھ اور دودھ کی فراوانی کو کہتے ہیں اور دودھ بہت زیادہ دودھ دینے والی اونٹنی کو کہتے ہیں۔ اس سے ”مِدْرَاراً“ مشتق ہے۔ ”عَيْنٌ مِّدْرَارٌ“ کے معنی بہت آنسو بہانے والی آنکھ اور ”مِدرار“ کے معنی بہت برسنے والی بارش ہے [منجد] یعنی ”مِدرار“ وہ بارش ہے جس میں پانی کی فراوانی ہو۔

ابن الفارس کے مطابق ”غدق“ وہ بارش ہے جس میں پانی کی بھی فراوانی ہو اور سود مند بھی ہو اور ”غَدَقَةٌ“ بمعنی شیریں چشمہ اور ”غدق المكان“ بمعنی جگہ کا بارش سے تر ہو جانا۔ سرسبز ہو جانا اور ”غَدِق“ بمعنی سرسبز جگہ [منجد] گویا ”غدق“ ایسی بارش کو کہتے ہیں جو سرسبزی کا باعث ہو۔

جو بادل سخت گرج دار ہو اسے ”صَيِّب“ کہتے ہیں جبکہ صاحب منتہی الاوب اس سے زور دار بارش مراد لیتے ہیں۔ [م۔ ل] صاحب منجد کے نزدیک کوئی سا بارش والا بادل ”صيّب“ ہے۔

”وَبَلَ“ کے معنی (مویشی وغیرہ کو) لاٹھی سے لگاتار مارنا ۔ [منجد] اس کے معنی میں ”شدة“ اور ”ثقل“ پایا جاتا ہے۔ ابن فارس کہتے ہیں کہ ”وبل“ کسی چیز میں شدت اور کثرت کے معنی دیتا ہے اور ”وابل“ سے مراد شدید قسم کی بارش ہے۔ [م ل] گویا وابل وہ بارش ہے جو پانی کی کثرت اور اپنی شدت اور تیزی کی وجہ سے خس و خشاک تک بہا لے جائے اور یہ بارش کا آخری درجہ ہے۔