اس کی جمع ”اقوال“ اور جمع الجمع ”اَقَاوِيْل“ ہے۔ عموماً یہ سمجھا جاتا ہے کہ ہر وہ بات جو زبان سے ادا کی جائے وہ ”قول“ ہے خواہ وہ بے معنی ہو یا بامعنی ۔ لیکن قرآن کریم میں یہ لفظ تین صورتوں میں استعمال ہوا ہے۔ (1) منہ سے نکلی ہوئی بات کے لیے۔ (2)ایسی بات جو منہ سے نہ نکلی ہو بلکہ ابھی دل میں ہی ہو۔

”حَدِيْث“ بمعنی کسی چیز کا ظہور میں آنا، کسی امر کا واقعہ ہونا، نئی چیز یا بات کا پیدا ہونا۔ اور اس کی ضد ”عدم“ ہے۔ ابن فارس کے الفاظ میں ایسی شے کا پیدا ہونا جو پہلے نہ تھی اور ”حديث“ سے مراد ہر وہ نئی بات یا نظریہ ہے جس کا تعلق عام لوگوں سے ہو اور پہلے اکثر لوگ اس سے ناآشنا ہوں۔

”كَلِمَةٌ“ کا لغوی معنی ”بامعنی بات“ ہے جس کا ادراک قوت سامعہ سے ہو سکے اور اس کا مفہوم سمجھ میں آ سکے۔ ابن فارس کے اپنے الفاظ میں ”نطق يُفْهم“ ہے۔