اسم جنس ہے۔ ہر قسم کے اونٹ اور نر و مادہ سب کے مستعمل ہے۔ اس کا تثنیہ اور جمع نہیں آتا۔ اس لفظ سے اونٹوں کا گلہ بھی مراقد لیا جاتا ہے۔

اسم جنس ہے اور نر و مادہ سب پر استعمال ہوتا ہے۔ جب اونٹ چار سال کا باربرداری کے قابل ہو جائے تو بَعِیْر ہوتا ہے۔ نوجوان اور طاقت ور اونٹ۔

پانچ سال سے زائد عمر کا نر اونٹ۔ خوبصورت اونٹ اس کی جمع جِمَالَة آتی ہے۔

ھَامَ دو معنی میں استعمال ہوتا ہے (1) عاشقانہ اور مجنونا کیفیت سے آوارہ پھرنا اور (2) سخت پیاسا ہونا ، یہاں دوسرا معنی زیربحث ہے اور ھیام اونٹوں کی ایک بیماری ہے جس میں اسے اتنی پیاس لگتی ہے کہ وہ سیر نہیں ہوتا اور ھیم ایسے اونٹ کو کہتے ہیں جو سخت پیاسا ہو۔

رَكَب کے معنی سوار ہونا اور رِكَاب کسی سوار کے سوار ہونے کے وقت پاؤں رکھنے کی جگہ کو کہتے ہیں (ہمارے ہاں رکاب انہی معنوں میں مستعمل ہے) پھر یہ لفظ ہر سوار اور سواری کے لیے استعمال ہونے لگا ۔ عرف عام میں راکب کا لفظ صرف شترسوار کے لیے مخصوص ہے اور اس کی جمع رُكْبَان، رَكَب اور رُكُوْب آتی ہے اور رِكَاب کا لفظ اونٹوں کے گلہ پر بھی بولا جاتا ہے ۔ جس طرح خیل کا لفظ گھوڑوں کا گلہ پر بولا جاتا ہے۔

ضَمَرَ بمعنی ہموار شکم، باریک اور لطیف جسم والا ۔ اور ضامر ہر وہ سواری (گھوڑا یا اونٹ) ہے جو کہ ریاضت کی وجہ سے تنگ جسم ہو۔ خوراک کی کمی کی وجہ سے نہ ہو، اور مِضْمَار اس جگہ کو کہتے ہیں جہاں ان جانوروں کی ریاضت کی مشق کرائی جاتی ہے۔ گویا ضامر معنی چھریرے بدن والے ، سبک رفتار گھوڑے یا اونٹ خواہ نر ہو یا مادہ اور عرب میں چونکہ اونٹ کی سواری عام ہے اس لیے اس کا اطلاق بیشتر اس قسم کے اونٹ پر بھی ہوتا ہے۔

بَدَنَة کی جمع ہے اور بَدَنَةٌ وہ اونٹ یا گائے ہے جو مکہ کو بھیجی جائے یا جو مکہ معظمہ لے جا کر ذبح کی جائے اور بَدَنَةبدن کی مناسبت سے ان دونوں جانوروں کے جسیم ہونے کی وجہ سے کہا جاتا ہے اور عرف عام میں اس سے صرف قربانی کا اونٹ مراد ہے۔ جو مکہ لے کے جا کر ذبح کیا جائے۔

اس اونٹنی کو کہتے ہیں جو جفتی کے قابل ہو چکی ہو۔

عَشْرَاء اس کی جمع ہے اور عشر معنی دس سے مشتق ہے۔ اور عَشْرَاء ایسی اونٹنی کو کہتے ہیں جسے حاملہ ہوئے دس ماہ گزر چکے ہوں اور ایسی اونٹنی بہت پیاری سمجھی جاتی تھی کہ اب بہت جلد بچہ دینے والی ہے۔

جب کوئی اونٹنی یا بکری دس بچے جن چکتی تو اس سے اہل عرب بتوں کی قربانی کے لیے وقف کر دیتے اور علامت کے لیے اس کا کان چیر دیتے اور اسے آزاد کھلا چھوڑ دیتے اور اس کا کوئی دودھ بھی نہیں دوہ سکتا تھا اور اس کے مرنے پر اس کا گوشت مَردوں کے لیے حلال لیکن عورتوں پر حرام سمجھا جاتا تھا۔

(سیب) بحیرة کے مقابلہ میں سائبہ وہ سانڈ قسم کا اونٹ ہے جو پانچ بچے جنم دینے کے بعد آزاد چھوڑ دیا گیا ہو اور اسے پانی اور چارہ کی کہیں بھی رکاوٹ نہ ہو۔ یہ بھی بتوں کے نام قربانی ہوتی تھی اور اس پر کوئی بوجھ نہ لاد سکتا تھا۔

وہ بکری جو دو دو بچے دینے کے بعد ساتویں بطن میں ایک نر اور ایک مادہ بچہ دے۔ جاہلیت میں اس مادہ کی وجہ سے اس نر بچہ کو بھی ذبح نہ کرتے تھے یہ بھی بتوں قربانی کیا جاتا۔

ایسا اونٹ جس سے کم از کم دس بچے پیدا ہو چکے ہوں یہ بھی آزاد چھوڑا اور بتوں کی نذر کیا جاتا تھا۔