رَكَسَ کے معنی کسی چیز کو اس کے سر پر الٹا کر دینا( یعنی سر نیچے ہو اور ٹانگیں اوپر) الٹا کر دینا یا اس کے پہلے سرے کو پچھلے سرے سے الٹا کر ملا دینا، تہ و بالا کر دینا۔اركس الثوب فی الصبغ بمعنی الٹا کر رنگ میں کپڑا ڈبویا ۔

اَفَكَ کے معنیٰ کسی کو صحیح رخ سے موڑ دینا اور اگر کسی صحیح رُخ کے علاوہ وہ کسی دوسرے رخ پر پٹخ دیا جائے تو اسے ائتفک کہتے ہیں

پرندے کا سینہ کے بل زمین پر بیٹھنا اور پھر اس سے چمٹ جانا كناية کسی شخص کا سینہ کے بل زمین پر لیٹنا۔

كَبَّ الِا نَاءَ کے معنی برتن کو الٹا کر کے رکھ دینے کے ہیں( منجد) اور كَبَّ فُلَاناً کے معنی کسی کو منہ کے بل گرا دینے کے ہیں(مف)۔

میں تکرار لفظی ہے جو اس کے معانی میں بھی شدت پیدا کر رہا ہے۔ بمعنی کسی چیز کو اوپر سے لڑھکا کر گڑھے میں پھینک دینا۔(مف۔ منجد)۔

تقلیب الشیء بمعنی کسی چیز کو پھیرنے اور ایک حالت سے دوسری حالت میں لوٹانے کے ہیں اورقَلّب الثَوْب بمعنی کپڑے کو الٹنا۔ قلّب کا استعمال مادی اور معنوی دونوں طرح ہوتا ہے۔ مادی کی مثال یہ ہے: جس دن ان کے منہ آگ میں الٹائے جائیں گے۔ اور معنوی کی مثال یہ ہے: یہ پہلے بھی طالب فساد رہے ہیں اور بہت سی باتوں میں تمہارے لئے الٹ پھیر کرتے رہتے ہیں یہاں تک کہ حق آ پہنچا۔

نَكَسَ بمعنی اوندھا کرنا اور نَكَسَ رَأْسَهٗ ، بمعنی ذلت یا ندامت سے سر جھکا دینا۔ یہ محاورتاً استعمال ہوتا ہے اور نَكِسَ الْمَرِيْض مریض کا دوبارہ بیمار پڑنا اور اَلنُّكَاس بمعنی بیماری کا دوبارہ عود کر آنا اور اَلنُّكْس بمعنی بیماری کا دوبارہ عود کر آنا۔ گر کر نہ سنبھلنا۔ پھر دوبارہ پہلے سے زیادہ زور سے گرنا اور النَكس بمعنی بہت بوڑھے لوگ اور نکس بمعنی اوندھا کرنا اور اِنْتَكَسَ بمعنی سر کے بال گرنا، دوبارہ بیمار پڑنا۔