جمع کا لفظ ایک ہی چیز کے مختلف اجزاء کو یا مختلف چیزوں کو اکٹھا کرنے کے لئے آتا ہے۔ یہ چیزیں خواہ جاندار ہوں یا بےجان۔

اِجْتَمَعَ کا لفظ ذوی العقول کے اکٹھا ہونے کے لیے استعمال ہوتا ہے۔ خواہ وہ ایک ہی جنس سے تعلق رکھتے ہوں یا مختلف ہوں۔

حَشَرَ کا لفظ صرف جانداروں کے لیے آتا ہے۔ یعنی لوگوں کو ان کے ٹھکانوں سے کسی ایک مقام کی طرف لے جانا۔ اور ابن الفارس بھی اس معنی کی تائید کرتے ہیں۔ لکھتے ہیں الحشر الجمع مع سوق۔

ذخیرہ کا لفظ عموما اجناس خوردنی کو جمع کرنے کے لئے استعمال ہوتا ہے۔ لیکن خَزَنَ کا لفظ اس سے عام ہے۔ یہ اکثر مال و دولت کو جمع کرنے کے لئے آتا ہے۔ جیسے خَزَنْتُ الدَّرَاھِمَ لیکن اس میں بنیادی مفہوم اکٹھا کرنے سے زیادہ حفاظت کرنا ہے۔ کہا جاتا ہے خَزَنْتُ السِّرَّ (میں نے بھید کو محفوظ رکھا)۔ اور جو شخص اس جمع شدہ چیز یا مال کا محافظ ہو اسے خَازِن کہتے ہیں۔ اور اس کی جمع خَزَنَةُ آتی ہے۔

وسق کے معنی چیزوں کو جمع کرنا اور اٹھانا ہے۔ اور اوسق بمعنی جانور پر بوجھ لادنا اور وَسَقْتُ الشَّیْءَ کسی چیز کے متفرق اجزاء کو جمع کرنے کے ہیں۔ اور اِتَّسَقَ کے معنی یہ ہیں کہ اس چیز کے سب اجزاء مجتمع ہوگئے اور وہ مکمل ہوگئی۔

بمعنی کسی چیز کو جمع کر کے اسے اپنے قبضہ میں لے لینا۔ سنبھال لینا ، سمیٹ لینا اور كَفِیْت بمعنی توشہ دان جس میں خوراک اور سامان خوراک کو سنبھال رکھتے ہیں۔ اور اَللّٰهُمَّ اَكْفِهٖ یا اللہ اسے سنبھال لے یا مار دے۔

بمعنی کسی چیز کو جمع کرنا اور اس کو سوارنا یا اس کی اصلاح کرنا۔

التحصیل معنی چھلکے سے گودہ اور مغز کو نکالنا۔ گویا حَصَلَ کے معنی میں دو باتیں پائی جاتی ہیں۔ نکالنا ، جمع کرنا۔

ثوب کے اصل معنی کسی چیز کا اپنی اصلی حالت کی طرف لوٹ آنا ہے۔ کہتے ہیں ثَابَ فُلَانٌ اِلٰی دارہ یعنی فلاں شخص اپنے گھر کی طرف لوٹ آیا اور مَثَاَبة اس جگہ کو کہا جاتا ہے جو کنویں کے منہ پر پانی پلانے کے لیے بنائی جاتی ہے۔ چونکہ لوگ پانی پینے اور لے جانے کے لیے ایسی جگہ پر بار بار لوٹ کر آتے اور جمع ہوتے تھے ۔ لہذا اسے مثابۃ کہا جاتا ہے ۔ اسی نسبت سے اللہ تعالی نے بیت اللہ شریف کو مَثَاَبة کہا کہ یہاں لوگ آکر بار بار اپنی روحانی پیاس بجھاتے اور جمع ہوتے ہیں ۔