قَصْد اور اِقْتِصَاد کے معنی افراط اور تفریط سے بچتے ہوئے درمیانی راہ کو اختیار کرنے کے ہیں فرق صرف یہ ہے کہ اِقْتِصَاد کا استعمال عموما خرچ اخراجات سے متعلق ہے جبکہ قَصْد کا لفظ عام ہے۔

ایک ہی چیز کا درمیان یا دو یا دو سے زیادہ چیزوں کی درمیانی چیز گویا کہ یہ لفظ قصد سے زیادہ ابلغ ہے اور وَسَطَ بمعنی ہر ایک معاملہ میں درمیانی اور اعتدال کی راہ اختیار کرنے والا۔

تَقْوِیْم کا تعلق ایک ہی چیز سے ہوتا ہے کہ اس میں افراط و تفریط کے جملہ پہلوؤں کو دور کر دیا جائے اور متوازن ، متناسب اور معتدل بن جائے۔ اس میں کوئی جھول ، ڈھلک کا اور ٹیڑھے نہ رہے۔ قوم الشیء بمعنی کسی چیز کے تعین و تعدیل کرنا اسی سے تقویم البلدان بنایا گیا ہے کیونکہ اس میں شہروں کی طول و عرض کو بیان کیا گیا ہے اور قَوَّمَ دَرْاَہٗ بمعنی ٹیڑھے پن کو سیدھا کرنا۔