کسی کے پیچھے لگنا یا اس کے نقش قدم پر چلنا۔ اور یہ ظاہری اور باطنی طور پر بھی استعمال ہوتا ہے۔ باطنی طور پر جیسے دین کی ہدایت کی یا کسی شخص کے عادات و اطوار کی پیروی کرنا۔

بمعنی کسی کی پیروی کرنا اور اس جیسا کام کرنا اور اَقْدٰي کے معنی نیکی اور دین کے راستہ میں کسی کی پیروی کرنا ہے۔ جیسا کہ مقتدی نماز کی حالت میں امام کی اقتداء کرتے ہیں۔

اُسْوَةٌ ، قُدْوَةٌ دونوں قریب المعنی الفاظ ہیں ۔ اور نمونہ یا قابل تتبع حالت کے لیے آتے ہیں فرق صرف یہ ہے کہ اُسْوةٌ میں مواساة یعنی آپس میں ہمدردی اور غمگساری کا پہلو بھی پایا جاتا ہے ۔ گو یا اسوہ ایسا نمونہ ہے جس سے تسلی بھی ہو سکے اور اٰسِی مرہم پٹی کرنے والے طبیب او صلح جو کو کہتے ہیں۔ گوئا اُسْوةٌ کالفظ قُدْوَة سے زیادہ ابلغ ہے ۔

طوع بمعنی دل کی خوشی اور رضامندی (ضد كَرْہٌ بمعنی کراہت ، نفرت ناپسندیدگی) اور اطاح سے مراد ایسی فرمانبرداری ہے جو دل کی خوشی سے سرانجام دی جائے ۔

بمعنی جواب دیا ، بات ماننا ، فرمانبرداری کرنا ، حکم مان لینا ۔ اطاعت اور استجابت میں فرق یہ ہے کہ اطاعت صرت بڑے کی کی جاتی ہے جبکہ استجابت چھوٹا بھی بڑے کی کر سکتا ہے۔ اگر اس کی نسبت اللہ کی طرف ہو تو اس کا معنی اللہ کے بندے کی دعا کو قبول کر لینا ہے اور اگر اس کی نسبت بندے کی طرف ہو تو اس کا معنی بندے کا اللہ کا حکم مان لینا ہے۔

اَلسَّلْم بمعنی صحت و عافیت۔ اور ظاہری اور باطنی آفات سے محفوظ ہونا۔ اور اَسْلَمَ بمعنی اطاعت اختیار کرنا اورخدا کے احکام اور اس کی رضا کے سامنے سر تسلیم خم کر دینا۔ تاکہ اخروی عذآب سے امن اور عافیت ۔

بمعنی تمام وکمال خاموشی سے نماز میں کھڑا ہونا اور اللہ تعالی کے آگے خشوع وخضوع کرنا اور امام راغب کے نزدیک عبادت میں ہمہ تن مصروف ہونا اور غیر سے توجہ ہٹانا ہے۔ گویا قنوت ایسی اطاعت ہے جو پورے خشوع وخضوع اور توجہ سے بجا لائی جائے ۔

بمعنی مطیع ومنقاد ہونا اور اشاروں پر چلنا اور مِذْعَان بمعنی آسانی سے فرمانبردار ہو جانے والا اور نَاقَة مِذْعَان سوار کی مطیع اور فرمانبردار اونٹنی کو کہتے ہیں۔ گویا ذعن میں اطاعت کے ساتھ عاجزی اور ذلت کا پہلو بھی پایا جاتا ہے۔