رَوْد بمعنی کسی چیز کی تلاش میں آنا جانا اور اَرَادَ بمعنی کسی بات یا کام کے کرنے کا دل میں خیال(مف) آنا۔

جب کوئی ارادہ کچھ وقت دل میں رہے اور انسان اس کو عملی جامہ پہنانے کے لئے غور و فکر اور سوچ و بچار کرتا رہے تو اسے ھَمَّ سے تعبیر کیا جائے گا (مف)۔

پھر جب ایسے ارادہ پر سوچ بچار کے بعد ایک قطعی فیصلہ کر لیا جائے۔ تو اسےعَزَمَ کہتے ہیں ابن الفارس کے الفاظ میں یدل علی العَزِیْمَة والقَطْع یعنی پختہ ارادہ بنا لیتا۔ پھر اس کو پورا کرنے کی ٹھان لینا۔

بَرَمَ بمعنی دو رسیوں کو ملا کر بٹنا اور اَبْرَمَ بمعنی کسی کام یا معاملہ یا چیز کو مضبوط بنانا ہے اور اس کی ضد نقض ہے) اور ابرم بمعنی کسی عزم کو عملی جامع پہنانے کے لئے تدابیر اختیار کرنا منصوبہ بندی کرنا اور اسے آخری شکل دینا۔

بمعنی کسی راستے یا سفر کا ارادہ کرنا اور امام راغب کے نزدیک سیدھا مقصد کی جانب متوجہ ہونا اور کسی طرف مائل نہ ہونا ہے۔

صاحب منتہی الارب کے نزدیک یہ لفظ دراصل تَاَمَّمَ تھا جو اَمَّ سے مشتق ہے اور ابن الفارس اس کا مادہ تم قرار دیتے ہیں یعنی عمداً اور قصداً کوئی کام کرنا گویا یہ لفظ ایسے امور سے متعلق ہے جہاں سوچ و فکر اور مشورہ کی ضرورت نہیں ہوتی بلکہ احکام شرعی کی تعمیل کا قصد کرنا مراد ہوتا ہے قرآن کریم میں یہ لفظ دو دفعہ استعمال ہوا ہے ایک دفعہ امر کے لیے اور دوسری دفعہ نہی کے لیے۔

حري بمعنی سزاوار اور تَحَرَّي بمعنی راہ صواب ترین جستن یعنی بہترین راہ کی تلاش کرنا اور بمعنی زیادہ مناسب اور لائق کو طلب کرنا دو چیزوں میں سے زیادہ بہتر کو طلب کرنا (منجد)۔