اس کا مادہ رفق ہے۔ درشتی اور سختی سے پاک باہم موافقت اور قرب کو ”رفق“ کہتے ہیں بعد ازاں جو شے راحت اور موافقت کا سبب بنے اسے ”رفق“ کہا جاتا ہے۔ اسی لحاظ سے ”مِرْفق“ کہنی کو کہتے ہیں کہ اس سے ٹیک لگائی جاتی ہے اور انسان آرام محسوس کرتا ہے ۔ اور ”مِرْفَقَه“ چھوٹے تکیہ کو کہتے ہیں اور ”ارتفاق“ ایسی رفاقت کو کہتے ہیں جو موجب راحت اور موافقت ہو اور ”مَرْتَفَق“ ایسی جگہ کو کہتے ہیں جہاں آرام بھی میسر ہو اور کوئی چیز خلل انداز نہ ہو۔