اٰنَسَ بمعنی کسی چیز کو دیکھنا اور اس کو جاننا اٰنس الصوت بمعنی آواز سن لینا ، اٰنس النار بمعنی آگ دیکھنا۔ اسی سے اِسْتَأْنَسَ مشتق ہے۔ بمعنی موانست پیدا کرنا ۔ اپنے قول و فعل کے ذریعے دوسرے کو اپنے سے متعارف کرنا۔ مثلاً کوئی شخص دروازے پر کھڑا ہوکر صاحب خانہ کو آواز دیتا ہے یا کھانستا ہے تو اس آواز یا کھانسنے کے عمل سے صاحب خانہ کو معلوم ہو جاتا ہے کہ دروازے پر فلاں شخص ہے تو اِسْتَأْنَسَ کا مفہوم پورا ہو گیا۔