بوجھ اٹھانے کے لیے استعمال ہوتا ہے اور اس کا استعمال عام ہے، اور مادی و معنوی دونوں کے لیے مستعمل ہے۔

(ینوء )کے معنی سخت محنت کرنا اور مشقت سے بوجھ اٹھانا۔ زیادہ بوجھ ہونے کی وجہ سے مشکل سے اٹھانا یا اٹھا سکنا۔

جب کوئی شخص اپنا کپڑا پھیلا کر اس میں اپنا بوجھ رکھ کر اٹھاتا اور چل دیتا ہے تو یہی وَزَرَ کا صحیح مفہوم ہے ۔ اسی لیے ذنب یعنی گناہ کو وِزْر کہتے ہیں یعنی وہ شخص اپنے کیے ہوئے گناہ کا بوجھ اٹھا لیتا ۔ گو یا وَزَرَ کا استعمال عموما گناہوں کے بارگراں اٹھانے کے لیے آتا ہے۔

(ثور ) ثار کے معنی کسی چیز کے اوپر اٹھنا میں ملا اور اَثَارَ کا لفظ اوپر اٹھانے کے لیے آتا ہے ، اگر یہ لفظ زمین سے متعلق ہو تو اس کے معنی ہیں جو تنا ہوتا ہے کہ اس سے زمین کو اوپر اٹھاتے ہیں ۔ اور بالعموم اس لفظ کا استعمال ہواؤں اور دریاؤں کوار پر اٹھانے کے لیے ہوتا ہے ۔

قَلَّ بنیادی طور پر دو معنوں میں استعمال ہوتا ہے۔ (1) کم ہونا (2) بلند ہونا اور اَقَلَّ بمعنی کسی چیز کو اٹھانا اور بلند کرنا۔ اور اقل اثار سے زیادہ ابلغ ہے ۔ یعنی ہواؤں کا بارش سے لدے ہوے بوجھل بادلوں کو معمولی اور حقیر سمجھ کر اٹھائے لیے پھرنا۔ چنانچہ درج ذیل آیت بھی اس بات کی وضاحت کر رہی ہے۔

بنیادی طور پراس میں دومعنی پائے جاتے ہیں (1) ابھارنا ۔ اٹھانا (2) تنہا روانہ کرنا۔ کبھی تو بیک وقت یہ لفظ ان دونوں معنوں میں کبھی الگ الگ کسی ایک معنی میں استعمال ہوتا ہے ، کہا جاتا ہے بَعَثْتُ الْبَعِیْر جس کے معنی ہیں اونٹ کو اٹھانا اور آزاد کردینا۔اس وقت زیر بحث اس کے پہلے معنی ہیں مگر اس لفظ کا استعمال مُردوں سے متعلق ہو تو بھی اس میں دونوں معنی پائے جاتے ہیں یعنی مردوں کو زندہ کر کے اٹھانا اور میدان محشر کی طرف چلانا۔

نَشَرَ کے بنیادی معنی پھیلانا ہیں اور اس کی ضد طوی یعنی لپیٹنا ہے ۔ نَشَرْتُ الْكِتَاب یعنی میں نے کتاب کو کھولا ، یا پھیلایا اور طَوَبْتُهٗ کے معنی کتاب کو لپیٹ دیا یا بند کر دیا۔

نشز کے بنیادی معنی ارتفاع ، اٹھان ، ابھار کے ہیں۔ خصوصا جب کسی چیز میں یہ اٹھان تحرک اور ہیجان کا نتیجہ ہو۔ نَشَزَ الرجل کا معنی بیٹھے ہوئے آدمی کا اٹھ کھڑا ہونا ہے ( مجد ) اسی سے اَنْشَزَ فعل متعدی ہے ۔

لَقَطَ کے معنی زمین سے کسی چیز کا اٹھانا اور لقطۃ اس چیز کو کہتے ہیں جو زمین پرگری پڑی دستیاب ہو اور اس کا مالک معلوم نہ ہو۔ اس سے اِلْتَقَطَ مشتق ہے جس کے معنی ہیں ۔ زمین سے کسی ایسی گری پڑی چیز کا اٹھانا جس کے مالک کا علم نہ ہو۔

یہ لفظ باطنی قسم کے بوجھ اٹھانے سے مخصوص ہے لقحة الناقة بمعنی اونٹنی حاملہ ہو گئی۔ پھر یہ لفظ ہواؤں سے بھی متعلق ہے جو نردرخت سے تخم لے جاکر مادہ درخت میں تخم ریزی کرتی ہیں یا وہ ہوائیں جو بارش کا بوجھ اٹھائے پھرتی ہیں۔