اس کا استعمال دو طرح سے ہوتا ہے ۔فرح القلب اور فرح نفس۔

نعمتوں کی فراوانی کی وجہ سے بہک جانا اور بقول امام راغب بطر ایک دہشت سے جو خوشحالی کے غلط استعمال ، حق نعمت میں کوتاہی اور نعمت کے غلط استعمال سے انسان کو لاحق ہوتی ہے (مف) اور ابن فارس کے نزدیک بطر کی اصل معنی پھاڑنا کے ہیں۔ یعنی جیسے نعمت کی فراوانی نے کسی کے دیدے پھاڑ دیئے ہوں اور وہ کسی کو خاطر میں نہیں لاتا گویا بطر کے مفہوم میں بھی نعمت کی فروانی اور عدم شکر اور غلط استعمال موجود ہے اور یہ فَرِحَ سے اگلا درجہ ہے۔

فرطِ انبساط سے جھومنے لگنا (شدہ الفرح) ناز و ادا سے اکڑ اکڑ کر چلنام یہ تیسرا درجہ ہے۔

(خیل) ابن فارس کےنزدیک خیل کے بعد یدل علی حركة فی تَلَوُّنٍ یعنی وہ حرکت جو ہر آن نیا رنگ بدلتی ہے ۔ تَخَیُّلُ کے معنی تصور باندھنا، تکبر کرنا اور اختال بمعنی اکڑ کر چلنا اور تکبر کی چال چلنا (منجد) آتے ہیں۔ گویا ایسے شخص کا دماغ عام آدمیوں سے اونچی سطح پر ہوتا ہے۔ اور یہ مَرَحَ سے اگلا درجہ ہے۔

ایسی باتوں پر شیخی بگھارنا جو اس کے اپنے قبضہ و اختیار سے خارج ہوں ۔مثلا حسب و نسب پر اترانا یا موروثی مال و دولت پر شیخی بگھارنا (مف)۔

اَشِرٌ ایسے خود پسند کو کہتے ہیں جو مندرجہ بالا صفات کے علاوہ زبان سے ڈھینگیں مارتا اور لاف زنی بھی کرتا ہو امام راغب الاشر کے معنی بہت زیادہ اترانا بتلاتے ہیں (مف) گویا مَرَحَ اور اختال سے بھی اگلا درجہ ہے۔

(مطو) بمعنی چلنے میں گھمنڈ سے بازو پھیلانا (منجد) بے نیازی کا اظہار کرنا۔ بازو پھیلا کر گھمنڈ سے تیز تیز چلنا ۔

یہ فخر کا سب سے آخری درجہ ہے جس میں انسان عجب میں مبتلا ہوجاتا ہے۔ اور خودپسندی کی اس حد تک پہنچ جاتا ہے کہ دوسروں کو حقیر سمجھنے لگتا ہے اور حق بات کو قبول کرنے سے انکار کر دیتا ہے۔

بمعنی خوش ہونا، اکڑنا اور فرہ بمعنی ماہر ہونا، حاذق ہونا، خوش ہونا،سبک ہونا اور فَارِہٌ بمعنی چست چالاک۔ جس کی مہارت ظاہر ہو (منجد) گویا فَرِہَ اپنے ہنر اور فن کے کمال پر خوش ہونے، اترانے اور فخر کرنے کے لئے آتا ہے۔